Գերմանիոյ Նիւրենպըրկ քաղաքին մէջ արդէն 22-րդ անգամ իրականացուող Թուրքիա-Գերմանիա փառատօնին ժամանակ՝ պոլսահայ յայտնի լուսանկարիչ Արա Կիւլեր արժանացած է պատուոյ մրցանակի:
Վկայակոչելով kronos.news-ը՝ Armenpress.am կը հաղորդէ, թէ Կիւլեր պատուոյ մրցանակը ստացած է Նիւրենպըրկի քաղաքապետի ձեռքէն:
Աւելի ուշ ներկաներուն ցուցադրուած է Կիւլերի կեանքին մասին պատմող «Սթամպուլի աչքը» փաստագրական ֆիլմը:
Պատուոյ միւս մրցանակին արժանացած է Գերմանիոյ շարժանկարի արտադրութեան մէջ յայտնի բեմադրիչ Իւրկեն Իւրկես: