Շախմատի Հայաստանի հավաքականի առաջատար Լևոն Արոնյանը կրկին ոչ-ոքի խաղաց Մաքսիմ Լագրավի հետ:
«Արմենպրես»-ի հաղորդմամբ` Թբիլիսում շարունակվում է շախմատի աշխարհի գավաթի խաղարկությունը: Կիսաեզրափակչի դասական երկրորդ պարտիայում Լևոն Արոնյանը, ով խաղում էր սև խաղաքարերով, ոչ-ոքի խաղաց Մաքսիմ Լագրավի հետ: Եզրափակչի ուղեգիրը կխաղարկվի արդեն թայ-բրեյքում, որը կկայանա սեպտեմբերի 21-ին: Գրոսմայստերները համաձայնեցին կիսել միավորը պարտիայի 19-րդ քայլին:
Թբիլիսիում ընթացող շախմատի աշխարհի գավաթի խաղարկությունում հայտնի են կիսաեզրափակիչի բոլոր զույգերը: Լևոն Արոնյանի մրցակիցն այստեղ կլինի Մաքսիմ Վաշիե-Լագրավը: Մյուս զույգը կազմել են Ուեսլի Սոն և Դինգ Լիրանը: Համաձայն ՖԻԴԵ-ի կանոնադրության` աշխարհի գավաթի խաղարկությունում 1-ին և 2-րդ հորիզոնականները զբաղեցրած շախմատիստներն իրավունք կստանան մասնակցելու հավակնորդների մրցաշարին: Ընդհանուր մրցանակային ֆոնդը կազմում 1 600 000 ԱՄՆ դոլար: