ՀԵԸ Անդրանիկ Անթիլիաս Արագ Ճատրակի Լիբանանի Ախոյեան

ՀԲԸՄ-  ՀԵԸ Անդրանիկ Անթիլիասի  տղոց  ճատրակի կազմը անցեալ Կիրակի օր, Լիբանանի  կայծակնային (blitz) ճատրակի ախոյեանութեան տիտղոսը շահելէ ետք, Կիրակի, 14 Օգոստոսին, արժանաւորապէս շահեցաւ Լիբանանի արագ (rapid) ճատրակի ախոյեանութեան տիտղոսը:

Ախոյեանութեան մրցաշարքը տեղի ունեցաւ Թրիփոլիի Ռաշատ ակումբին մէջ, 25 ակումբներու մասնակցութեամբ Լիբանանի  ճատրակի  ֆետերասիոնին հովանաւորութեամբ:

Կ’արժէ նշել, որ ՀԵԸ Անդրանիկ Անթիլիասի Գործադիր Մարմինի ատենապետ Գրիգոր  Քէշիշեան, ՀԵԸ Անդրանիկ Անթիլիասի  Գործադիր Մարմինի անդամ եւ  ճատրակի  պատասխանատու  Տիգրան Զէյթճեան մօտէն   հետեւեցան ախոյեանութեան  ընթացքին:

Մեր տղաքը կատարեցին եօթը  մրցում եւ արձանագրեցին եօթը յաղթանակ: 

Ախոյեանութեան բաժակը  ՀԵԸ – Անդրանիկ Անթիլիասի  գլխաւոր   մարզիչ Ռոլան Ախրասին  եւ  մարզիկներուն  հանդիսաւորապէս  յանձնեց  ճատրակի Լիբանանի  ֆետերասիոնի նախագահ Իզզէթ Ըրէյթիմը,  ֆետերասիոնի այլ անդամներու  ներկայութեան:

Ստորեւ   մրցումներուն  թեքնիք արդիւնքները.

 ՀԵԸ Անդրանիկ Անթիլիաս –  Մաշարիյ՝ 6-0

ՀԵԸ Անդրանիկ Անթիլիաս – Էնիմէյշըն՝ 6-0

 ՀԵԸ Անդրանիկ Անթիլիաս –  Սովիէթ՝  5-1

 ՀԵԸ Անդրանիկ Անթիլիաս –  Թենմիյէ՝ 4-2

ՀԵԸ Անդրանիկ  Անթիլիաս  -Անսար՝ 4.5-3.5

ՀԵԸ Անդրանիկ  Անթիլիաս  –  ՀՄԸՄ՝  4-2

ՀԵԸ  Անդրանիկ Անթիլիաս – Սենեպիլ՝  4-2

Ջերմապէս  կը  շնորհաւորենք ՀԵԸ  Անդրանիկ Անթիլիասի  ճատրակի  կազմը եւ  անոր պատասխանատուները  այս  փայլուն յաղթանակին առիթով, մաղթելով նորանոր  յաջողութիւններ:

ՀԵԸ-Ի  ՄԱՄԼՈՅ ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ