ՀՀ զինուած ուժերը Հայաստանի հետ սահմանին Ազրպէյճանի՝ դիրքերու բարելաւման նպատակով ձեռնարկած շինարարական աշխատանքները կը գնահատեն որպէս սադրիչ գործողութիւն եւ անպատասխան չեն ձգեր զանոնք։ Այս մասին Ֆէյսպուքի իր էջին գրառում կատարած է ՀՀ պաշտպանութեան նախարարութեան մամուլի քարտուղար Արծրուն Յովհաննիսեանը։
«Ազրպէյճանական ԶՈւ-երը ՀՀ ազրպէյճանական սահմանի որոշ հատուածներուն մէջ ձեռնարկած են շինարարական աշխատանքներու՝ նպատակ ունենալով բարելաւել դիրքերը: Հայկական զինուած ուժերը զգուշացուցած են, որ շինարարական աշխատանքներու աշխուժացումը, ինչպէս նաեւ այլ սադրիչ գործողութիւնները փոխհրաձգութիւն կը յառաջացնեն, հետեւաբար նաեւ՝ զոհեր: Հայկական զինուած ուժերը բազմիցս կոչ ըրած են զերծ մնալ իրավիճակի անտեղի լարումէն եւ կը զգուշացնեն, որ ապակայունացնող որեւէ քայլ անպատասխան պիտի չմնայ»,- նշած է Արծրուն Յովհաննիսեանը: