Մոսկուայի մօտակայքը գտնուող «Ալապինօ» ռազմափորձարանի միջազգային բանակային խաղերուն ծիրէն ներս տեղի ունեցած է հրասայլային երկամարտի առաջին մրցարշաւը:
Հրասայլային երկամարտի չորրոդ մրցաշրջանին մրցած են Հայաստանի, Վենեզուելայի, Հնդկաստանի ու Նիքարակուայի ներկայացուցիչները:
Առաջինը վերջնագիծին հասած են հնդիկ հրասայլորդները, երկրորդը` հայերը, իսկ երրորդը` Վենեզուելայի ներկայացուցիչները: Նիքարակուայի հրասայլը եղած է վերջինը: Ասիկա մրցաշրջանի նախնական արդիւնքներն են․ աւարտին դատաւորները պիտի հաշուեն ժամանակը` հաշուի առնելով տուգանային պատժամիջոցները, լրացուցիչ շրջաններն ու կանգառները:
Հայաստանի զինուած ուժերը ներկայացան անձնակազմով մը, որուն հրամանատարն էր կրտսեր սպայ Արմէն Առուստամեանը: Հայկական խումբի բոլոր անդամները ժամկէտային ծառայող զինուորներ ու սպաներ են:
Մրցումները կը կայանան երեք փուլով: Առաջին փուլին` անհատական մրցարշաւին, կը մասնակցին բոլոր խումբերը: Կիսաեզրափակիչ պիտի անցնի 12 խումբ, իսկ երզափակիչով պիտի հանդիպին չորս լաւագոյն հաւաքականները: Բոլոր փուլերուն հրասայլորդերը պէտք է կրակեն թիրախներուն` տեղէն եւ ընթացքի մէջ, եւ յաղթահարեն տարբեր խոչընդոտներ: