Ապրիլ 18-ի լոյս 19-ի գիշերը, հայ-ազրպէյճանական պետական սահմանագօտիի հիւսիսարեւելեան հատուածին մէջ, արձանագրուած են խախտման 18 միջադէպեր:
ՀՀ Պաշտպանութեան Նախարարութեան մամուլի ծառայութենէն կը յայտնեն, որ ազրպէյճանական կողմը տարբեր տրամաչափի հրաձգային եւ դիպուկահար զինատեսակներէ, հիմնականօրէն անկանոն բնոյթի կրակահերթեր արձակած է հայ դիրքապահներու ուղղութեամբ:
«ՀՀ զինուած ուժերու յառաջապահ ստորաբաժանումները ցուցաբերելով զսպուածութիւն, պատասխան գործողութիւններու դիմած միայն խիստ անհրաժեշտութեան պարագային եւ վստահօրէն կը վերահսկեն սահմանային իրավիճակը», ըսուած է Պաշտպանութեան Նախարարութեան հաղորդագրութեան մէջ: