«ԶԱՐԹՕՆՔ», ՊԷՅՐՈՒԹ – Տուպայի կառավարիչ շէյխ Մոհամմետ պըն Ռաշիտ Ալ-Մաքթումի եւ փախուստի դիմած անոր կնոջ՝ Հայի պին Ալ-Հուսէյնի ապահարզանի գործով դատական լսումները սկսած են: Ինչպէս կը փոխանցէ «Արմէնփրես», այդ մասին կը հաղորդէ Telegraph-ը: Աւելի վաղ կը հաղորդուէր՝ շէյխը բողոքարկած է, որպէսզի հասնի ապահարզանի եւ երկու երեխաները իր մօտ պահելու իրաւունքին:
Լսումները կ’ընթանան Լոնտոնի ընտանեկան գործերով բարձրագոյն դատարանին մէջ: Թերթը կը տեղեկացնէ, որ թագուհին անձամբ պիտի ժամանէ լսումներուն:
Ինչպէս կը փոխանցէ «Ռոյթըր» գործակալութիւնը, թագուհին եւս կը ձգտի հասնիլ երեխաները իր մօտ պահելու իրաւունքին: Ան անգլիական դատարաններէն մէկուն յայտարարութիւն տուած է՝ պահանջելով ամուսնութիւնը ճանչնալ բռնի եւ տրամադրել անվտանգութիւն՝ հնարաւոր սպառնալիքներէն եւ ոտնձգութիւններէն պաշտպանուելու համար:
Բրիտանական «Sun» պարբերականը հաղորդած էր, որ շէյխի կինը փախած է Տուպայէն 11-ամեայ աղջկան եւ 7-ամեայ տղուն հետ, իր հետ վերցնելով 31 միլիոն սթեռլինկ, որ կը կազմէ 39 մլն տոլար: