«ԶԱՐԹՕՆՔ», ՊԷՅՐՈՒԹ – Ազրպէյճանի մէջ աւելի քան 100 դատաւոր հեռացուած է դատական համակարգէն:
Այս մասին, ինչպէս կը հաղորդէ «Արմէնփրես»–ը, կը յայտնեն ազրպէյճանական լրատուամիջոցները:
Ազրպէյճանի արդարադատութեան նախարար Ֆիքրեթ Մամետովի փոխանցմամբ՝ կաշառակերութեան հետ կապուած իրաւախախտումներու համար ազրպէյճանական 35 դատարան ենթարկուած է կարգապահական պատասխանատուութեան: Նախարարը նշած է նաեւ, որ ներկայիս սկզբունքային գնահատական կը տրուի շուրջ 80 դատաւորի գործունէութեան:
Դատաւորներու հեռացման համար հիմնական պատճառներ հանդիսացած են դատական գործերու դիտարկման ձգձգումները, բարոյագիտութեան կանոններու խախտման դէպքերը:
Այն մասին, թէ դատաւորները ի՛նչ ժամանակահատուածի հեռացուած են համակարգէն, նախարարը մանրամասնութիւններ չէ նշած: