Իրանի Մէջ Սուգ Յայտարարուած Է Զօրահանդէսի Ժամանակ Ահաբեկչութեան Զոհերու Յիշատակին

«ԶԱՐԹՕՆՔ», ՊԷՅՐՈՒԹ – Իրանի կառավարութիւնը Սեպտեմբեր 24-ը սգոյ օր յայտարարած է Ահվազ քաղաքին մէջ ահաբեկչական գործողութեան հետեւանքով զոհուածներու յիշատակին: Ինչպէս կը փոխանցէ «Արմէնփրես»-ը, համապատասխան յայտարարութիւնը յայտնուած է երկրի նախագահի պաշտօնական կայքին մէջ: «Ահվազ քաղաքի բնակիչներուն եւ բնակչութեան անվտանգութեան պաշտպաններուն վրայ Սեպտեմբեր 22-ին ձեռնարկուած ահաբեկչական գրոհը ցոյց տուաւ, որ Իրանի թշնամիները այլ նպատակ չեն հետապնդեր, քան Իրանն ու իրանցիները ոչնչացնելը»,- ըսուած է հաղորդագրութեան մէջ:

Սեպտեմբեր 22-ին Իրանի Ահվազ քաղաքին մէջ ահաբեկչական գործողութիւն տեղի ունեցած է զօրահանդէսի ժամանակ: Մարդոց վրայ կրակ բացած են անյայտ զինուած անձինք: Զոհուած է առնուազն 29 մարդ, իսկ 57 հոգի վիրաւորուած է, հաղորդած է «ՏԱՍՍ»-ը:

Leave a Reply

Your email address will not be published. Required fields are marked *