Հայ ջութակահար Նիկոլայ Մատոյեանը «Կինես»-ի գիրքի ցուցանիշ արձանագրած է: Այս մասին, ըստ «News.am»-ի, Մատոյեանը գրած է դիմատետրի իր էջին:
«Յուլիս 25-ին, «Կինես»-ի գիրքի համաշխարհային յանձնաժողովը հաստատեց երաժշտական ցուցանիշը, որ ես հաստատած եմ Երեւանի մէջ քանի մը ամիս առաջ»,- գրած է ան, նշելով որ այս փոքրիկ յաղթանակը կը նուիրէ Արցախեան պատերազմի բոլոր վեթերաններուն:
Այս տարուան Փետրուարին՝ Կոմիտասի անուան քամերային երաժշտութեան տան մէջ՝ Մատոյեանը 33 ժամ (իւրաքանչիւր ժամը մէկ` 5 վայրկեան ընդմիջումով) կատարած է 59 յայտնի երաժշտական ստեղծագործութիւն: