Հայ Պատանի Երգահաններու Ստեղծագործութիւնները Պիտի Հնչեն Պելճիքայի Մէջ

Հայաստանի երգահաններու միութեան եւ «Վիթրաժ» միջզգային փառատօնին համագործակցութեան իբրեւ արդիւնք՝ հայ պատանի երգահաններու ստեղծագործութիւնները պիտի հնչեն Պելճիքայի մայրաքաղաք Պրիւքսէլի մէջ։ Այս մասին կը հաղորդէ PanArmenian.net -ը:

Դեկտեմբեր 15-ին կայանալիք համերգին պիտի ներկայացուին Էդուարդ Միրզոյեանի անուան պատանի երգահաններու մրցոյթին բոլոր ժամանակներու մրցանակակիրներու ստեղծագործութիւնները, որոնք պիտի կատարուին Պրիւքսէլի մէջ գործող Պ․Ի․ Չայքովսկիի անուան երաժշտական դպրոցի աշակերտներուն եւ ուսուցիչներուն կողմէ:

Համերգը նուիրուած է մեծանուն հայ երգահան, ԽՍՀՄ ժողովրդական արուեստագէտ Էդուարդ Միրզոյեանի 95-ամեակին: Ձեռնարկը կեանքի կը կոչուի Պրիւքսէլի մէջ գիտութեան եւ մշակոյթի ռուսական կեդրոնին հետ համատեղ:

Leave a Reply

Your email address will not be published. Required fields are marked *