• London

  • Beirut

  • Moscow

  • Los Angeles

  • Paris

  • Sydney

  • Toronto

21. 01. 2022

Շրջանառութեան Մէջ Դրուեցաւ Սիլվա Կապուտիկեանի Յոբելեանին Նուիրուած Նամականիշ

23.01.2019   02:00

Գրող, բանաստեղծուհի, հասարակական գործիչ Սիլվա Կապուտիկեանի ծննդեան 100-ամեակին, անոր նուիրուած ձեռնարկներուն ծիրէն ներս, «Հայփոստ» ՓԲԸ-ի կողմէ հրապարակուած եւ շրջանառութեան մէջ դրուած է մեծանուն գրողի նամականիշը: Հրապարակման հանդիսաւոր արարողութիւնը իրականացած է  Յունուար 22-ին, Հայաստանի գրողներու միութեան տան մէջ: Այս մասին կը հաղորդէ Armenpress.am-ը։

«Կապուտիկեանը, խորապէս ճանչնալով իր եւ իր ժողովուրդին անցեալը, կենսագրութիւնը, իր ստեղծագործութիւններուն մէջ արտայայտեց հայու ճակատագիրը, հայ մարդու կեցութիւնը, ընթացիկ կեանքի խնդիրները, հասարակական, քաղաքական հնչեղութիւն ունեցող հարցերը»,- նշած է գրողներու միութեան նախագահ Էդուարդ Միլիտոնեան:

Անոր խօսքով` Կապուտիկեանը հայ կնոջ, հայ մօր, մայրիշխանութենէն եկած արթուն բնազդով մարդ էր, որ կը փափաքէր պահպանել երկիրը, հայ քաղաքացին, սատարել սփիւռքահայերուն: «Անոր «Խօսք իմ որդուն» ստեղծագործութիւնը դարձաւ Սփիւռքի լեզուապահպանման հիմքը»,- շեշտած է Միլիտոնեան:

120 ՀՀ դրամ անուանական արժէքով նամականիշը տպագրուած է Ֆրանսայի «Cartor» տպագրատան մէջ`30 000 տպաքանակով: Նամականիշին ձեւաւորման հեղինակն է «Հայփոստ» ՓԲԸ-ի ձեւաւորող Դաւիթ Տովլաթեան:

Նամականիշին վրայ պատկերուած է Սիլվա Կապուտիկեանը` իր հերթական ստեղծագործութեան վրայ աշխատելու պահուն:

Հրապարակման օրը` 22 Յունուար 2019թ.

Ձեւաւորումը` Դաւիթ Տովլաթեան

Տպարանը` Cartor, Ֆրանսա

Չափերը` 30,0 x 40,0 մմ

Տպաքանակը` 30 000 հ.

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր