• London

  • Beirut

  • Moscow

  • Los Angeles

  • Paris

  • Sydney

  • Toronto

Հայկական Երաժշտութիւնը Լիբանանեան Մեկնաբանութեամբ

09.07.2017   22:38

Յուլիս 6-ին «Առնօ Բաբաջանեան» համերգասրահին մէջ տեղի ունեցաւ «Հայկական երաժշտութիւնը լիբանանեան կատարմամբ» խորագիրով համերգ` նուիրուած Թէքէեան Մշակութային Միութեան 70-ամեակին: Համերգը կազմակերպուած էր ԹՄՄ Լիբանանի Տեղական Վարչութեան կողմէ,  ՀՀ Սփիւռքի եւ մշակոյթի նախարարութիւններու հովանաւորութեամբ եւ Լիբանանի մէջ ՀՀ դեսպանութեան հետ համագործակցութեամբ:

Համերգը իր ներկայութեամբ կը պատուէր ՀՀ Սփիւռքի Նախարար հրանոյշ Յակոբեան: Ներկայ էին ԹՄՄ Հիմնադիրներու Մարմնի ատենապետ՝ Ընկ. Յակոբ Գասարճեան, ՌԱԿ Կեդրոնական Վարչութեան անդամ ընկերներ, Լիբանանէն ժամանած երիտասարդ երաժիշտներուն ծնողները եւ մշակութասէր հանրութիւն մը:

Բացման խօսքով Ողջոյնի խօսքով հանդէս եկաւ ԹՄՄ Լիբանանի Տեղական Վարչութեան Ատենապետ ընկ. Տոքթ Վիգէն Ասիլեան:

Ընկհի. Ճենի Գրիգորեան-Բարսեղեան անգլերէն լեզուով ընթերցեց ՌԱԿ Կեդրոնական Վարչութեան Շնորհաւորական Ուղերձը:

Ողջոյնի խօսքով հանդէս եկաւ ՀՀ Սփիւռքի նախարար Հրանոյշ Յակոբեան: Ան շնորհաւորեց բոլորը եւ նշեց. «Սիրելի լիբանանցիներ եւ Լիբանանը սիրող հայեր, ուզում եմ շնորհաւորել բոլորիս այս գեղեցիկ երեկոյի առթիւ: Երեխաներն այսօր է՛լ աւելի ամուր կամրջեցին հայ լիբանանեան բարեկամութիւնը: Այս օրերը դարձան լիբանանեան օրեր Հայաստանում: Ուրախ եմ ողջունել բոլորիդ Հայաստանում` մի մասիդ` Հայրենիքում, միւս մասիդ` բարեկամ երկրում: Բարով էք եկել»:

Նախարարը Թէքէեան Մշակութային Միութեան Լիբանանի Տեղական Վարչութեան ատենապետ Տոքթ. Վիգէն Ասիլեանին պարգեւատրեց ՀՀ Սփիւռքի նախարարութեան Ոսկէ մետալով, իսկ լիբանանահայ դաշնակահարուհի, «Հայկական երաժշտութիւնը լիբանանեան կատարմամբ» խորագիրով համերգի գեղարուեստական ղեկավար Ռիթա Ասիլեանը պարգեւատրուեցաւ ՀՀ Սփիւռքի նախարարութեան Պատուոգիրով:

Հնչեցին հայ մեծանուն երգահաններու` Կոմիտասի, Ա.Խաչատրեանի, Ա. Բաբաջանեանի, Է. Յովհաննիսեանի եւ այլոց ստեղծագործութիւնները` 1 հայ եւ 9 արաբ պատանի երաժիշտներու կատարմամբ` Թամար Ասիլեան, Մաքրամ Մասուտ, Քլարա Եազիգի, Սէրէնա Սալամեհ, Ռեբեքա Էլ Պիթար Ղանըմ, Լիա Սալամեհ, Ամըր Ռատի, Զէյնա Քարամ, Քիաննա Ռատի, Սառա Չալիտտա:

Հայաստանէն լիբանանցի հիւրերուն համար ելոյթ ունեցաւ մեներգչուհի Արփի Սինանեան: Ան հանդէս եկաւ Ռ. Պետրոսեանի «Նազանք» ստեղծագործութեան եւ «Արաբական երաժշտութեան» կատարմամբ:

Share Button

Leave a Reply

Your email address will not be published. Required fields are marked *

Լրատուութեան գործընկեր