• London

  • Beirut

  • Moscow

  • Los Angeles

  • Paris

  • Sydney

  • Toronto

28. 05. 2023

Դաշնակահար Միքայէլ Հայրապետեանի Մենահամերգը Երեւանի Մէջ

05.08.2016   08:01

Օգոստոս 3-ին ՀՀ սփիւռքի նախարարութեան աջակցութեամբ Գաֆէսչեան կեդրոնի սրահին մէջ տեղի ունեցաւ դաշնակահար, «Հայաստանի գաղտնիքներ» երաժշտական ​​նախագիծի հիմնադիր եւ գեղարուեստական ​​ղեկավար Միքայէլ Հայրապետեանի մենահամերգը, որուն մասնակցեցան ՀՀ սփիւռքի նախարարի տեղակալ Սերժ Սրապիոնեանը, նախարարութեան աշխատակիցներ, արուեստագէտներ եւ հիւրեր:

Միքայէլ Հայրապետեան առաջին անգամ հանդիսատեսի դատին ներկայացուց հայ երգահան Հարօ Ստեփանեանի ստեղծագործութիւնները` իր կատարումներով շլացնելով հանդիսատեսը:

Հնչեցին Հարօ Ստեփանեանի` ժողովրդական մոտիվներով գրուած մանկական կտորները եւ 26 նախերգանք դաշնամուրի համար:

Համերգի աւարտին ելոյթ ունեցաւ ՀՀ սփիւռքի նախարարի տեղակալ Սերժ Սրապիոնեան: Ան ՀՀ սփիւռքի նախարար Հրանոյշ Յակոբեանի անունով շնորհակալութիւն յայտնեց տաղանդաւոր դաշնակահարին հայ դասական երաժշտութեան գոհարները աշխարհին ներկայացնելու, հայկական մշակոյթը ճանաչելի դարձնելու համար: «Շնորհակալ ենք , որ հանդիսատեսի ուշադրութեանն էք ներկայացնում նաեւ մինչեւ օրս քիչ յայտնի հայ  երգահանների գործերը: Այսօր համաշխարհային պրեմիերայ էր, առաջին անգամ ներկայացուեցին Հարօ Ստեփանեանի ստեղծագործութիւնները: Նորանոր բեմեր եւ պրեմիարաներ ենք մաղթում ձեզ: Շնորհակալ ենք այսօր մեզ սքանչացումի պահեր պարգեւելու համար»,- նշեց ան:

Միքայէլ Հայրապետեան աւարտած է Մոսկուայի Չայքովսկիի անուան պետական ​​երաժշտանոցը եւ ներկայիս կը շարունակէ Մոսկուայի երաժշտանոցի ասպիրանտուրան, կը զբաղի հայ երգահաններու անարդարացիօրէն մոռցուած ստեղծագործութիւններուն նոր կեանք հաղորդելու եւ հանրային հետաքրքրութիւնը դէպի հայկական դասական երաժշտութիւնը սեւեռելու ազգանուէր գործով:

Միքայէլ Հայրապետեանը «Naxos»-ի միջազգային ճանաչում ունեցող արուեստագէտ է, անոր հայ դասական երաժշտութեան կատարումներու ձայնասկաւառակները կը գրախօսուին աշխարհի լաւագոյն երաժշտական ​​ամսագրերուն` «FANFARE», «International Piano», «American Record Guide», «Music Web International» կողմէ:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր