• London

  • Beirut

  • Moscow

  • Los Angeles

  • Paris

  • Sydney

  • Toronto

Համահայկական Փառատօն Ֆրանսայի ՄԷջ

14.07.2016   07:19

Սեպտեմբեր 17-ին ժամը 11:00-էն մինչեւ 19:00, Հայ Առաքելական եկեղեցւոյ Ֆրանսայի թեմը կը կազմակերպէ իր առաջին համահայկական փառատօնը:

«Հայերն Այսօր»-ի փոխանցմամբ փառատօնը տեղի պիտի ունենայ Փարիզի հայաշատ արուարձաններէն մէկուն` Ալֆորվիլ քաղաքի Կոմիտաս փողոցին մէջ, հայկական Սուրբ Պօղոս-Պետրոս եկեղեցւոյ առջեւ: Փառատօնի աջակիցն է Ալֆորվիլի քաղաքապետարանը:

Ֆրանսայի Հայոց թեմը նպատակ ունի այս տօնական ձեռնարկը կազմակերպել ամէն տարի` յաջորդաբար Ֆրանսայի տարբեր քաղաքներու մէջ: Այս տարուան փառատօնը կը համընկնի Հայաստանի Հանրապետութեան Անկախութեան 25-ամեակին եւ Ֆրանսայի Հայոց թեմի ստեղծման 10-ամեակին:

Փառատօնի օրը Կոմիտաս փողոցը ամբողջութեամբ փակ պիտի ըլլայ: Պիտի պատրաստուի բեմ եւ պարահարթակ, իսկ յատուկ պատրաստուած տաղաւարներուն մէջ պիտի վաճառուին գիրքեր, յուշանուէրներ, ձեռագործ աշխատանքներ, ուտեստներ եւ այլն:

Երախաներուն համար պիտի կազմակերպուին հետաքրքրական խաղեր: Պիտի խաղարկուին բազմաթիւ նուէրներ:

Share Button

Leave a Reply

Your email address will not be published. Required fields are marked *

Լրատուութեան գործընկեր