• London

  • Beirut

  • Moscow

  • Los Angeles

  • Paris

  • Sydney

  • Toronto

Շուշիի Մէջ Պիտի Կայանայ «Սասունցի Դաւիթ» Օփերայի Անդրանիկ Ներկայացումը

13.07.2016   07:58

Շուշիի մէջ Սեպտեմբեր 1-ին պիտի կայանայ՝ «Սասունցի Դաւիթ» օփերայի անդրանիկ ներկայացումը, այնուհետեւ Սեպտեմբեր 7-ին կամ 8-ին` Երեւանի Ալեքսանդր Սպենդիարեանի անուան օփերայի եւ պալէի ազգային ակադեմիական թատրոնին մէջ: «Սասունցի Դաւիթ» օփերայով պիտի բացուի Երեւանի Օփերայի եւ պալէի թատրոնի  83–րդ թատերաշրջանը։ Ըստ Panorama.am-ի լրագրողներու հետ հանդիպման ժամանակ, այս մասին ըսած է թատրոնի տնօրէն Անդրանիկ Արզումանեան:

Ան տեղեկացուցած է, որ օփերան պիտի ըլլայ թատրոնի խաղացանկային ներկայացումը: Ա. Արզումանեանի խօսքով նոր օփերա է, երբեք չէ ներկայացուած օփերային թատրոնի մէջ: Անոր հեղինակն է երաժշտահան Հարօ Ստեփանեան  (1897-1966 ):

Թատրոնի տնօրէնը ըսած է, որ մինչեւ տարեվերջ  տեղի պիտի ունենան նաեւ «Տոսկա» օփերայի եւ «Դիմակահանդէս» պալէի անդրանիկ ներկայացումները:

Խօսելով 82-րդ թատերաշրջանի մասին Ա. Արզումանեան ըսած է, որ 2015-2016 ծրագիրներուն 80-90 տոկոսը իրականացած է, կայացած են «Քարմեն» եւ «Նորմա» օփերաներուն անդրանիկ ներկայացումները:

«Գեղարուեստական ղեկավար Գեղամ Գրիգորեանի հետ մեծ ծրագիրներ  մշակած էինք: Որոշ մասը  իրականացուցինք: Այն ծրագիրները, որոնք նախատեսած էինք, բայց չհասցուցինք կատարել, մեր պարտքը  կը համարենք անպայման իրականացնել», նշած է ան:

Share Button

Leave a Reply

Your email address will not be published. Required fields are marked *

Լրատուութեան գործընկեր