• London

  • Beirut

  • Moscow

  • Los Angeles

  • Paris

  • Sydney

  • Toronto

Նիքոլա Ազնաւուր Դիմած է ՀՀ Կառավարութեան «Զուարթնոց» Օդակայանը Շառլ Ազնաւուրի Պատուին Անուանակոչելու Առաջարկով

19.05.2020   08:53

«Զուարթնոց» օդակայանը Շառլ Ազնաւուրի անուամբ անուանակոչելու առաջարկով ՀՀ կառավարութեան դիմած է Ազնաւուր հիմնադրամը եւ հայ մեծանուն գործիչին որդին` Նիքոլա Ազնաւուրը: Հիմնադրամը տեղեկացուցած է, որ նախաձեռնութեան հեղինակը Շառլ Ազնաւուրի համակիրներն են:

«2018-ի Հոկտեմբերին Շառլ Ազնաւուրի խումբ մը համակիրներ նախ սկսան առցանց ստորագրահաւաք, հաւաքելով տասնեակ հազարաւոր ստորագրութիւններ, ապա պաշտօնական նամակով դիմեցին Քաղաքացիական օդագնացութեան կոմիտէին եւ «Զուարթնոց» օդանաւակայանի տնօրինութեան: Մենք տեղեկացանք, որ պարոն Էռնեկեանը մեծ հաւանութեան արժանացուցած է գաղափարը ու պաշտօնական նամակով դիմած կառավարութեան` յայտնելով իր դրական վերաբերմունքը”,- նշուած է հիմնադրամին կողմէ ՀՀ վարչապետին ուղղուած դիմումին մէջ:

Այդ խնդրի առնչութեամբ դիրքորոշում յայտնելու համար ՀՀ կառավարութիւնը դիմած է ՀՀ Հանրային խորհուրդին:

«Նկատի ունենալով Արտակարգ դրութեան պայմաններուն մէջ Հանրային խորհուրդը ու անոր համապատասխան յանձնաժողովներու կողմէ նիստեր հրաւիրելու դժուարութիւններն ու անհնարինութիւնը, հարկադրուած պիտի ըլլանք այս եւ միւս խնդիրներու քննարկումն ու եզրակացութիւններու հաստատումը կատարել ելեկտրոնային կամ հեռավար եղանակներով:

Հանրային խորհուրդի բոլոր անդամներուն ուղարկուած է ՀՀ կառավարութենէն ստացած փաթեթը, սակայն ոչ պակաս կարեւոր է նաեւ հանրութեան տեսակէտը գոնէ ընկերային ցանցերու օգնութեամբ, որուն նպատակով ալ կը տեղադրուի առաջարկը ՀԽ ֆէյսպուքեան էջին վրայ:

Ուրախ պիտի ըլլանք ձեր դիտարկումներն ու կարծիքներն ստանալ այս հարցի առնչութեամբ»,- Հանրային խորհուրդի ֆէյսպուքեան էջին վրայ գրած է ՀԽ նախագահ Ստէոփա Սաֆարեանը:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Share Button

One response to “Նիքոլա Ազնաւուր Դիմած է ՀՀ Կառավարութեան «Զուարթնոց» Օդակայանը Շառլ Ազնաւուրի Պատուին Անուանակոչելու Առաջարկով”

  1. Chake says:

    Hagop Mikayelian Զուարթնոցը անփոփոխ պէտք է մնայ։ Ազնավուրը ինչ կապ ունի օդակայանի հետ, ճիշդ պիտի ըլլայ եթէ երաժշտանոց մը կոչուի իր անունով։

    Matig EblighatianActive Now
    Matig Eblighatian Երաժշտութեան բնագաւառին մէջ, Ազնաւուրի անուանբ որէւէ Կառոյց տրամաբանութեան սահմաններուն մէջ է, անկախ իր հռչակէն Հայրենիքը կարիքը ունի նաեւ նոր երաժշտական կառոյցներու բարերարներու, նախապէս շինուած որէւէ հաստատութեան անուն կարելի չէ փոխել:

Leave a Reply to Chake Cancel reply

Your email address will not be published. Required fields are marked *

Լրատուութեան գործընկեր