• London

  • Beirut

  • Moscow

  • Los Angeles

  • Paris

  • Sydney

  • Toronto

27. 03. 2023

Հայ Մասնագէտները «Քորոնա»ի Դէմ Պայքարին Համար Պատրաստած Են Օդը Ժահրերէ Մաքրող Սարքեր

29.04.2020   09:02

Հայաստան կը շարունակէ ջանքեր գործադրել «Քորոնա» ժահրին դէմ սեփական միջոցներով պայքարելու համար: Այս անգամ Ալիխանեանի անուան ազգային գիտական տարրալուծարանի մասնագէտները պատրաստած են օզոնային 20 շարժակներ, որոնք նախատեսուած են փակ տարածքներու, նաեւ բժշկական սարքաւորումներու ախտահանման համար: Հայաստանի առողջապահութեան նախարարութիւնը արդէն ձեռք բերած է զանոնք։ «Արմէնփրէս»-ի հետ ունեցած զրոյցին ընթացքին այս մասին պատմեց տարրալուծարանի տնօրէն Անի Աբրահամեան:

«Մեր տարրալուծարանը  ընդհանուր առմամբ այս գործերով չի զբաղիր, բայց քանի որ “Քորոնա” ժահրի պատճառով ստեղծուած արտակարգ դրութեան անհրաժեշտութիւն կար, մենք որոշեցինք բան մը անելու: Եւ մտածեցինք՝ ամենալաւն այն կ՛ըլլայ, որ կարենանք բան մը ստեղծել, որ կ՛ախտահանէ», պատմեց Աբրահամեան:

Ան օզոնային շարժակի գաղափարը յիշած է սփիւռքահայ բժիշկի մը հետ խօսակցութենէն, փնտռած է այդ մարդը, գտած Հայաստանի մէջ, միասին քննարկած են հարցը, բարեփոխած են ձեւաւորումը եւ սկսած պատրաստութեան գործընթացին:  «Օզոնային շարժիչներ շատ կան աշխարհում եւ տարբեր կիրառութիւններ ունեն: Մեզ համար կարեւոր էր մտածել մի բան, որը կ՛ոչնչացնի վիրուսը: Մեր սարքած օզոնային արտադրիչները կարող են 1 ժամուայ մէջ 140 խորանարդ մետր ախտահանել», ըսաւ Ապրահամեան՝ աւելցնելով, որ ժամացոյցներ տեղադրուած են երկու ժամուան համար։

Այս սարքերը կ՛արտադրուին նաեւ Չինաստանի մէջ, սակայն անոնց սակը կը տատանի 100-1000 տոլարի միջեւ: «Մեր սարքածը միջին որակի մի բան եղաւ՝ համեմատելով չինականի հետ: Իւրաքանչիւրի համար նիւթերի ծախսը կազմեց 42 հազար դրամ, գործն անվճար արեցինք», ըսաւ ան աւելցնելով, որ անհրաժեշտութեան պարագային անոնք կրնան վաճառուիլ 60-80 հազար դրամի սահմաններուն մէջ:

Հայաստանի առողջապահութեան նախարարի մամլոյ բանբեր Ալինա Նիկողոսեան յայտնեց, որ նախարարութեան կողմէ գնուած 20 օզոնային շարժակները տեղադրուած են հիւանդանոցներուն մէջ։

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր