• London

  • Beirut

  • Moscow

  • Los Angeles

  • Paris

  • Sydney

  • Toronto

19. 05. 2022

Իրավիճակը Կառավարելի Կը Մնայ, Եթէ Մարդիկ Հետեւին Խորհուրդներուն․ ՀՀ Առողջապահութեան Նախարար

17.04.2020   08:42

 ՀՀ առողջապահութեան նախարար Արսէն Թորոսեան այսօր կառավարութեան նիստի ժամանակ ըսած է, որ «Քորոնա» ժահրի համաճարակի համար յատկացուած հիւանդանոցային մահճակալները այս պահուն ծանրաբեռնուած է կիսով չափ:

«Եթէ կարենանք այս ընթացքը պահել, այսինքն` հանրութիւնը բոլոր խորհուրդներուն հետեւի, գործատուները պահպանեն մաքրութեան եւ ախտահանման համաճարակային կանոնները, կրնանք յոյս ունենալ, որ այս իրավիճակը կը մնայ կառավարելի դեռ երկար ժամանակ»,- ըսած է նախարարը:

 «Այս ողջ ընթացքին 1 500-էն աւել քաղաքացի դուրս եկած է մեկուսացումէն: Մեկուսացման մէջ գտնուող մօտաւորապէս 300 հոգիի մօտ հաստատուած է դրական արդիւնք: Ասիկա կը խօսի այն մասին, որ մեկուսացման միջոցառումները շատ արդիւնաւէտ են»,- ըսած է ան:

 Վարչապետ Փաշինեան իր հերթին աւելցուցած է, որ համաճարակի կորը հիմա կը գտնուի կառավարելիութեան տիրոյթին մէջ, սակայն չէ բացառած, որ մարդոց ոչ լուրջ վերաբերմունքի պատճառով իրավիճակը կրնայ վերահսկողութենէն դուրս գալ:

 Ան նաեւ յայտնած է, որ համավարակի տարածումը կանխելու նպատակով պարէտատունը որոշած է Արարատի մարզի Նորաշէն գիւղը ամբողջովին մեկուսացնել:

 

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր