• London

  • Beirut

  • Moscow

  • Los Angeles

  • Paris

  • Sydney

  • Toronto

Նախագահ Սարգսեան Մասնակցած է Հայաստանի Գիտութիւններու Ազգային Ակադեմիոյ Տարեկան Ընդհանուր Ժողովին

18.03.2017   21:13

Նախագահ Սերժ Սարգսեան երէկ այցելած է Հայաստանի գիտութիւններու ազգային ակադեմիա, ուր տեղի ունեցած է ակադեմիոյ 2016 թուականի գիտական եւ գիտակազմակերպական գործունէութեան հիմնական արդիւնքներուն նուիրուած տարեկան ընդհանուր ժողովը: ՀՀ ԳԱԱ նախագահ, ակադեմիկոս Ռադիկ Մարտիրոսեան ներկայացուցած է ակադեմիոյ կազմակերպութիւններու գիտական կարեւորագոյն արդիւնքներն ու կիրառական մշակումները, անդրադարձած հաշուետու տարուան մէջ միջազգային համագործակցութեան ուղղութեամբ իրականացուած աշխատանքներուն, գիտական մարդուժի պատրաստման եւ գիտական հետազօտութիւններու աշխուժացման մէջ ԳԱԱ ծրագիրներուն ու շարք մը այլ ուղղութիւններով 2016-ին ակադեմիոյ գործունէութեան:

Հանրապետութեան նախագահը նշած է` նկատի առնելով, որ հանրապետութեան մէջ այժմ նախընտրական քարոզչութեան ժամանակաշրջան է, զերծ կը մնայ ելոյթէ եւ պատրաստակամութիւն յայտնած է պատասխանել ժողովի մասնակիցներուն հետաքրքրող հարցերուն, լսած անոնց առաջարկները:

Նախագահ Սերժ Սարգսեան նաեւ շնորհաւորական ուղերձ յղած է ՀՀ ԳԱԱ իսկական անդամ, փրոֆեսոր Սերգէյ Համբարձումեանին ծննդեան 95-ամեակի առիթով` այդ նշանակալի յոբելեանի առթիւ մաղթած անոր առողջութիւն եւ ազգանուէր գործունէութիւնը շարունակելու ուժ ու կորով:

Share Button

Leave a Reply

Your email address will not be published. Required fields are marked *

Լրատուութեան գործընկեր