• London

  • Beirut

  • Moscow

  • Los Angeles

  • Paris

  • Sydney

  • Toronto

03. 06. 2023

Ստեփանակերտի Մէջ Բացուած է «Թումօ» Ստեղծարար Ճարտարագիտութիւններու Կեդրոնը

03.09.2015   16:54

Արցախի Հանրապետութեան եւ Հայաստանի Հանրապետութեան նախագահներ Բակօ Սահակեան եւ Սերժ Սարգսեան, Սեպտեմբեր 2-ին մասնակցած են Ստեփանակերտի մէջ «Թումօ» ստեղծարար ճարտարագիտութիւններու կեդրոնի բացման հանդիսաւոր արարողութեան: Այս մասին կը հաղորդէ ԼՂՀ  նախագահի աշխատակազմի տեղեկատուութեան գլխաւոր վարչութիւնը։

Նախագահ Սահակեան իր խօսքին մէջ նշած է, որ նման կեդրոնի գործունէութիւնը նոր որակ պիտի հաղորդէ Արցախի մէջ երիտասարդներու մտաւոր ներուժի զարգացման եւ ժամանակակից ճարտարագիտութիւններու կիրառման գործընթացին:

Երկրի ղեկավարը երախտագիտութիւն յայտնած է Հայկական Բարեգործական Ընդհանուր Միութեան, «Սիմոնեան»  հիմնադրամին եւ «Ղարաբաղ Թելեքոմ» ընկերութեան, հայրենանուէր այս նախաձեռնութիւնը իրականացնելու համար` նշելով, որ ան մեր հանրապետութեան մէջ մարդկային դրամագլուխի զարգացման գործի լաւագոյն ներդրումներէն է: Կեդրոնին մէջ շրջայցի ժամանակ նախագահները ծանօթացած են կրթական այս հաստատութեան պայմաններուն եւ ուսուցման ծրագիրին: Ըստ պատասխանատուներուն ծրագիրը հասանելի պիտի ըլլայ աւելի քան 500 ուսանողի, որոնց իւրաքանչիւրը «Թումօ»ի մէջ շաբաթական երկու օր պիտի սորվի, կեդրոնի չորս հիմնական ոլորտներու` անիմացիայի, ֆիլմերու ստեղծման, կայքերու մշակման եւ խաղերու ստեղծման հիմունքները, ինչպէս նաեւ պիտի ստանայ 21-րդ դարուն բնորոշ այնպիսի հմտութիւններ, ինչպէս 3D ձեւաւորումը, ռոպոթաշինութիւնը, լուսանկարչութիւնը, կրաֆիքական ձեւաւորումը եւ այլն:

Հանդիսութեան մասնակցած են Հայ Առաքելական Եկեղեցւոյ Արցախի թեմի առաջնորդ Պարգեւ արքեպիսկոպոս Մարտիրոսեան, ԼՂՀ ԱԺ նախագահ Աշոտ Ղուլեան, վարչապետ Արայիկ Յարութիւնեան, հիւրեր Հայաստանէն եւ արտերկրէն:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր