• London

  • Beirut

  • Moscow

  • Los Angeles

  • Paris

  • Sydney

  • Toronto

Հայ Խաղաղապահները Լիբանան Մեկնած են. ՀՀ Պաշտպանութեան Նախարարը Մասնակցած է Ճանապարհելու Արարողութեան

27.11.2014   15:26

Երէկ` 26 Նոյեմբեր 2014-ի երեկոյեան Իտալիոյ ռազմաօդային ուժերու օդանաւով Լիբանան մեկնած է եւ արդէն տեղակայման վայր հասած հայ խաղաղապահներու 32 հոգիէ բաղկացած ստորաբաժանումը: Այս մասին կը տեղեկացնէ ՀՀ պաշտպանութեան նախարարութեան տեղեկատւութեան հետ կապերու վարչութիւնը:

Հայկական խաղաղապահ ստորաբաժանումը իտալական զօրախումբի կազմին հետ պիտի մասնակցի ՄԱԿ-ի հովանիին տակ իրականացուող “Լիբանանի մէջ Միացեալ Ազգերու Կազմակերպութեան ժամանակաւոր ուժեր” (ԻՒՆԻՖԻԼ) առաքելութեան եւ պիտի իրականացնէ ՄԱԿ-ի զինաւանի անվտանգութեան ապահովումը:

Հայկական խաղաղապահ ստորաբաժանման Լիբանան ճանապարհման արարողութեան մասնակցած են ՀՀ պաշտպանութեան նախարար Սէյրան Օհանեանն ու Հայաստանի մէջ Իտալիոյ արտակարգ եւ լիազօր դեսպան Ճիովաննի Ռիչուլին:

Հայ խաղաղապահները 2004 թուականէն ընդգրկուած են միջազգային խաղաղապահ առաքելութիւններու մէջ եւ ներկայիս առաքելութիւն կ’իրականացնեն եւս երկու երկրի մէջ` Աֆղանիստանի եւ Քոսովոյի:

Share Button

Leave a Reply

Your email address will not be published. Required fields are marked *

Լրատուութեան գործընկեր