• London

  • Beirut

  • Moscow

  • Los Angeles

  • Paris

  • Sydney

  • Toronto

Հայ Կանանց Միջազգային Ընկերակցութեան 7-րդ Համաժողովը Երեւանի Մէջ

09.10.2014   11:16

Հոկտեմբեր 10-ին` ժ.10:00-ին, “Էլիտ Պլազա” առեւտրական կեդրոնին մէջ պիտի մեկնարկէ, ՀՀ սփիւռքի նախարարութեան եւ Հայաստանի ամերիկեան համալսարանի աջակցութեամբ հայ կանանց միջազգային ընկերակցութեան 7-րդ համաժողովը (հասցէն` Խորենացու փ. 15):

Բացման խօսքով հանդէս պիտի գայ ՀՀ սփիւռքի նախարար, հայ կանանց միջազգային ընկերակցութեան հայաստանեան մասնաճիւղի նախագահ Հրանոյշ Յակոբեանը:

Համաժողովի մասնակիցներուն ուղերձով պիտի դիմէ ՀՀ նախագահ Սերժ Սարգսեան, իր օրհնանքի խօսքը պիտի յղէ Ն.Ս.Օ.Տ.Տ. Գարեգին Բ. Ամենայն հայոց կաթողիկոսը:

Ելոյթ պիտի ունենան Հայաստանի մէջ ԱՄՆ դեսպան Ճոն Հեֆֆըրնը, ՀԿՄՄ փոխնախագահՔարոլին Աթինիզեանը, ՀԿՄՄ խորհրդաժողովի ծրագրաւորման կոմիտէի ներկայացուցիչ Սիլվա Խաչիկեանը:

Համաժողովի աշխատանքները պիտի շարունակուին “Կանանց դերը Հայոց Ցեղասպանութեան տարիներուն եւ յետոյ”, “Հայ կանանց դերը համաշխարհայնացուած աշխարհի մէջ”, “Դիմագրաւելով Հայաստանի մէջ կանանց առողջապահութեան մարտահրաւէրները”, “Հայաստանի մէջ գործող ՀԿ-ները”, “Կանայք գրականութեան մէջ” խորագրերով թեմատիկ նիստերով:

ժ.12:00-13:15 համաժողովի ծիրէն ներս պիտի մեկնարկէ սուրիահայերու ցուցահանդէս-վաճառքը, որ Հոկտեմբեր 11-ին պիտի շարունակուի Հայաստանի Ամերիկեան համալսարանի Մանուկեանի անուան սրահին մէջ:

Ժ.14:30-ին համաժողովի մասնակիցները պիտի այցելեն  Ծիծեռնակաբերդի Հայոց  Ցեղասպանութեան յուշահամալիր եւ ծաղկեպսակ պիտի դնեն անմեղ զոհերու յուշակոթողին, որմէ ետք Ցեղասպանութեան թանգարան-հիմնարկին մէջ “Կանանց եւ Հայոց Ցեղասպանութեան մասին նոր տեսակէտներ” թեմայով զեկուց պիտի կարդայ թանգարան-հիմնարկի տնօրէն Հայկ Դեմոյեանը:

Հոկտեմբեր 11-ին, ժ.09:30-էն Հայաստանի ամերիկեան համալսարանի Մանուկեանդահլիճին մէջ պիտի շարունակուին համաժողովի աշխատանքները:

ժ.10:15-ին Ամերիկեան համալսարանին մէջ տեղի պիտի ունենայ Ուսանողներու հանգիստի սենեակի բացումը:

Համաժողովականները պիտի մասնակցին Էրեբունի-Երեւանին նուիրուած եւ այլ մշակութային ձեռնարկներու:

Հոկտեմբեր 12-ին համաժողովի մասնակիցները պիտի այցելեն Մայր Աթոռ Սուրբ Էջմիածին եւ պիտի հանդիպին Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի հետ:

Share Button

Leave a Reply

Your email address will not be published. Required fields are marked *

Լրատուութեան գործընկեր