• London

  • Beirut

  • Moscow

  • Los Angeles

  • Paris

  • Sydney

  • Toronto

18. 09. 2021

Կոչ՝ Համահայկական կազմակերպությունների, հայկական կառույցների ղեկավարներին և խորհուրդներին

24.09.2014   14:06

Սեպտեմբերի 21-ին ՏԱՀԵՇ ահաբեկչական խմբավորումը պայթեցրել է Սիրիայի Դեր Զոր քաղաքի Ալ Ռաշտիե թաղամասում ՀայոցՑեղասպանության զոհերի հիշատակին կառուցված Սրբոց Նահատակաց հուշահամալիրի պատմական եկեղեցին:

ՀՀ սփյուռքի նախարարությունը խստորեն դատապարտում է այս անասելի վայրագության, մշակութային ցեղասպանության նոր դրսևորումը՝ կոչ է անում սփյուռքյան բոլոր կառույցներին ու կազմակերպություններին, զանգվածային լրատվամիջոցներին՝ հայ ժողովրդի նվիրական սրբավայրի դեմ իրագործված այս սոսկալի վանդալիզմի դեմ բողոքի ձայն բարձրացնել, դիմել իրենց բնակության երկրների իշխանություններին, օտարերկրյա դեսպանություններին, միջազգային կազմակերպություններին, մշակույթի պահպանությամբ զբաղվող հեղինակավոր կառույցներին՝  դատապարտելու Հայոց ցեղասպանության անմեղ զոհերի հիշատակի,  հայ ժողովրդի և բոլոր ազգերի, մարդու և ողջ մարդկային քաղաքակրթության դեմ իրականացված ոճիրը և միջոցներ ձեռք առնել՝ ուղիներ գտնելու, կանխելու համար նման քստմնելի  հանցագործությունները:

Վստահ եմ, որ ցեղասպանության 100-րդ տարելիցի նախօրյակին համայն հայությունը կդրսևորի միասնական կամք ու վճռականություն՝ իր ձայնը լսելի դարձնելով ամբողջ աշխարհին:

Խնդրում եմ Ձեր քայլերի մասին տեղեկացնել նաև նախարարությանը:

Խորին հարգանքով՝

ՀՐԱՆՈՒՇ ՀԱԿՈԲՅԱՆ

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր