• London

  • Beirut

  • Moscow

  • Los Angeles

  • Paris

  • Sydney

  • Toronto

Սէյրան Օհանեան՝ Հայաստանի Համար Անընդունելի Են Միակողմանի Զիջումներ

12.09.2014   14:53

Ատրպէյճան կը փորձէ  սահմանին սադրանքները  օգտագործել  ղարաբաղեան  հակամարտութեան կարգաւորման  բանակցային  գործընթացին վրայ ազդելու նպատակով: «Խօսքը  զուտ  նախնիներու   հողին վրայ Լեռնային   Ղարաբաղի ժողովուրդին  ինքնորոշման   իրաւունքին մասին է: Այլընտրանք չկայ: Մենք ամէն բան պիտի կատարենք անոր համար». շեշտեց Օհանեան:

Ըստ նախարարին՝ հակառակորդը արդէն անգամ մը հայ  ժողովուրդը դրդած է  զինեալ հակամարտութեան: «Մենք  պաշտպանեցինք  մեր սահմանները: Բայց   հակառակորդը  կը փորձէ  երկրորդ անգամ  ճնշում   գործադրել եւ հասնիլ  զիջումներու:  Մեզի  համար ընդունելի են  փոխադարձ պայմանաւորուածութիւնները,  բայց անընդունելի  են  անհասկնալի զիջումները՝ անյայտութեան դիմաց»:

Ըստ Սէյրան  Օհանեանի՝  հակառակորդը  ռազմաշունչ   հռետորաբանութեամբ  եւ սահմանին խախտումներու  դիմելով  կը փորձէ  ուժ  ցուցադրել՝ բանակցային  գործընթացին  վրայ ազդելու նպատակով.« Այդ մէկը  չստացուեցաւ, շնորհիւ   հայ սպաներու եւ  զինուորներու խիզախութեան:  Հետախոյզները   ոչ միայն  շպրտուեցան,այլեւ   կանխարգելիչ   միջոցառումներ  ձեռնարկուեցան«. ընդգծեց Հայաստանի պաշտպանութեան նախարարը:

Share Button

Leave a Reply

Your email address will not be published. Required fields are marked *

Լրատուութեան գործընկեր