• London

  • Beirut

  • Moscow

  • Los Angeles

  • Paris

  • Sydney

  • Toronto

Աւստրիոյ Կառավարութիւնը եւս 600 Հազար Եւրօ Կ’ուղղէ Սուրիահայերու Աջակցութեան

11.09.2014   12:32
Աւստրիոյ արտաքին գործերու նախարար Սեբաստիան Կուրց իրեն ուղեկցող պատուիրակութեան հետ այցելեց  Հայկական կարմիր խաչի ընկերութիւն, ուր ծանօթացաւ աւստրիական կառավարութեան կողմէն ֆինանսաւորուած «Աջակցութիւն սուրիահայերուն» ծրագրի արդիւնքներուն: «Armenpress»-ի
 փոխանցմամբ` Աւստրիոյ ԱԳ նախարարը շնորհակալութիւն յայտնեց Հայկական Կարմիր խաչ ընկերութենէն ներս հիւրընկալուելու համար եւ նշեց, որ անիկա լաւ առիթ է տեղեկանալու իրենց կողմէն սուրիահայերուն տրուող օժանդակութեան ծրագրի ընթացքին: «Մենք քաջատեղեակ ենք, որ յատկապէս փախստականները բաւականին խոցելի իրավիճակի մէջ են, եւ ծրագիրը օգտակար է անոնց կեանքի որակը բարելաւելու համար: Ես ուրախ եմ յայտնելու ձեզի, որ մենք պիտի շարունակենք ծրագրին օժանդակել, եւս 600 հազար եւրոյ պիտի ներդնեն այս ծրագրին»,- ըսաւ Սեբաստիան Կուրցը:
Աւստրիական կառավարութիւնը 600 հազար եւրօ  փոխանցած է Հայկական կարմիր խաչի ընկերութեան ու «Հայկական կարիտասին», որպէսզի վերջինները իրականացնեն «Աջակցութիւն սուրիահայերուն» ծրագիրը: Ծրագրի արդիւնքով 300 կարիքաւոր ընտանիք վեց ամիս շարունակ ստացած է մաքրութեան պարագաներ, ձմեռնային հագուստ, կօշիկ, անոնցմէ ոմանք օգտուած են առողջապահական եւ պիզնես աջակցութեան ծրագերէն: Եւս 100 ընտանիք վեց ամիս շարունակ ստացած է աջակցութիւն` բնակարաններ վարձակալելու նպատակով, ինչպէս նաեւ ստացած է տաք հագուստ, դեղորայք, սննդամթերք:

www.armenpress.am

Share Button

Leave a Reply

Your email address will not be published. Required fields are marked *

Լրատուութեան գործընկեր