• London

  • Beirut

  • Moscow

  • Los Angeles

  • Paris

  • Sydney

  • Toronto

Թրամփ Նպատակ Ունի Խօսիլ Հիւսիսային Քորէայի Առաջնորդին Հետ

22.04.2020   21:23

ԱՄՆ նախագահ Տանըլտ Թրամփ չի բացառեր, որ կը փորձէ հաղորդսկցիլ հիւսիսային Քորէայի առաջնորդ Քիմ Չեն Ընի հետ՝ կապուած վերջինիս առողջական վիճակի վատթարացման մասին տեղեկութիւններուն: Այս մասին կը յայտնէ ТАСС-ը՝ յղում տալով Սպիտակ տան լրագրողներու հետ ճեպազրոյցի ժամանակ Թրամփի ելոյթին:

ԱՄՆ նախագահին յիշեցուցած են, որ ան ոչ վաղ անցեալին «պարբերաբար հաղորդակցած է» Քիմ Չեն Ընի հետ: Այս առնչութեամբ Թրամփէն հետաքրքրուած են, թէ մտադի՞ր է արդեօք ան կապ հաստատել Հիւսիսային Քորէայի առաջնորդին հետ: 

«Հնարաւոր է… Ես յոյս ունիմ, որ իր հետ ամէն ինչ լաւ է: Քիմ Չեն Ընի հետ ես շատ լաւ յարաբերութիւններ ունիմ: Եւ այդ մէկը երկրին յօգուտ է: Այդ մէկը լաւ է, եւ ոչ թէ վատ: Եւ ես կ’ուզէի, որ իր հետ ամէն ինչ լաւ ըլլայ»,- ըսած է Թրամփ:

Միեւնոյն ժամանակ ան կրկնած է, թէ չի գիտեր՝ արդեօք Ընի առողջական վիճակի վատթարացման վերաբերեալ տեղեկութիւններն իրականութեան կը համապատասխանեն, թէ ոչ:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Share Button

Leave a Reply

Your email address will not be published. Required fields are marked *

Լրատուութեան գործընկեր