• London

  • Beirut

  • Moscow

  • Los Angeles

  • Paris

  • Sydney

  • Toronto

03. 06. 2023

Պըրրի. Սահմանային Բանակցութիւնները Սկսելու Համար Մնացած է Միայն Մէկ Հարց

25.07.2019   09:54

«ԶԱՐԹՕՆՔ», ՊԷՅՐՈՒԹ – Միակ հարցը, որ մնացած է մինչ Լիբանան կը համաձայնի մասնակցելու Իսրայէլի հետ սահմանագծման բանակցութիւններուն՝ միասնաբար քննարկելն է թէ՛ հողային եւ թէ՛ ծովային սահմանները։ Այս մասին խորհրդարանի նախագահ Նեպիհ Պըրրին յայտնեց օրէնսդիրներուն։

Ըստ այդ օրէնսդիրներէն երեսփոխան Ալի Պազիի՝ Պըրրի յայտնեց, թէ երկու երկիրներուն միջեւ քննարկումներու վերսկսման համար եղած են դրական զարգացումներ:

Իր հերթին, Իսրայէլի ուժանիւթի նախարար Եուվալ Շթէյնիթց Reuters-ին յայտնեց. «Մենք տակաւին կը սպասենք վերջնական արդիւնքի հասնելուն… Մենք յայտնեցինք մեր պատրաստակամութիւնը։ Իրականութեան մէջ, լիբանանցիներն են, որ պիտի որոշեն, արդեօք լո՞ւրջ են, թէ՝ ոչ»:

Նշենք, որ Լիբանան կը փորձէր լուծում մը գտնել Իսրայէլի հետ սահմանային վէճի հարցով, քանի որ ան կը պատրաստուի տարեվերջին քարիւղի եւ կազի հետախուզում սկսելու` Միջերկրական ծովի այն հատուածներուն վրայ, որոնք իր վերահսկողութեան տակ են։

Յիշեցնենք նաեւ, որ մօտաւորապէս 856 քռկ. քլմ. ջրային տարածք մը կը վիճարկուի երկու երկիրներուն միջեւ։

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր