• London

  • Beirut

  • Moscow

  • Los Angeles

  • Paris

  • Sydney

  • Toronto

05. 06. 2023

Ուժանիւթի Նախարարը Կը Խոստանայ Քարիւղի եւ Կազի Ոլորտը «Թափանցիկ» Դարձնել

24.07.2019   01:41

«ԶԱՐԹՕՆՔ», ՊԷՅՐՈՒԹ – Ուժանիւթի նախարար Նատա Պուսթանի Երեքշաբթի խոստացաւ քարիւղի եւ կազի ոլորտը այնքան զարգացնել, որ անիկա գործէ ամբողջովին թափանցիկ։

Խօսելով քարիւղի միջազգային երկիրներու աշխատաժողովի բացման ժամանակ՝ նախարարը ըսաւ, որ «կառավարութիւնը եւ ուժանիւթի ու ջրամատակարարման նախարարութիւնը հաւատարիմ են զարգացնելու Լիբանանի քարիւղի ոլորտի թափանցիկութիւնը»։

Պուսթանիի մատնանշած սոյն թափանցիկութիւնը պիտի կառուցուի Արդիւնաբերութեան ոլորտի թափանցիկութեան նախաձեռնութեան վրայ. Անիկա ոլորտը կառավարելու տարածուած չափորոշիչ մըն է, որ պիտի օգնէ ներգրաւելու համաշխարհային ընկերութիւնները՝ ներդրում ունենալու Լիբանանի ափամերձ տարածքներուն վրայ:

Նշենք, որ 2018-ին, Պէյրութ ստորագրեց իր առաջին պայմանագիրը քարիւղի ընկերութիւններու միջազգային առեւտրական ընկերակցութեան հետ՝ իր ջուրերուն վրայ քարիւղի եւ կազի իրացման համար։ 4-րդ հատուածին վրայ շխատանքները կը նախատեսուին սկսիլ այս տարուան Դեկտեմբերին, իսկ 9-րդի վրայ՝ Մայիս 2020-ին:

Պուսթանի նշեց, որ իր նախարարութիւնը կ՝աշխատի Արտաքին գործոց նախարարութեան եւ Լիբանանի Քարիւղի վարչութեան հետ, Կիպրոսի հետ երկկողմանի համաձայնագրերու մշակման համար, որպէսզի որոշեն քարիւղի համախմբման յետագայ քայլերը։ Նախարարութիւնը նաեւ կ՝աշխատի Եգիպտոսի հետ, որպէսզի որոշէ Լիբանանի կապը արաբական կազատարին հետ:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր