• London

  • Beirut

  • Moscow

  • Los Angeles

  • Paris

  • Sydney

  • Toronto

Քապըր Շմունի Միջադէպի Թղթածրարը Զինուորական Դատարան Փոխանցուեցաւ

23.07.2019   09:13

«ԶԱՐԹՕՆՔ», ՊԷՅՐՈՒԹ –Ալէյի միջադէպը, որ մօտ մէկ ամիս անդամալուծեց Կառավարութիւնը, փոխանցուած է Զինուորական դատարան։ Այս մասին յայտնեց դատական ​​աղբիւր մը։

Ներքին անվտանգութեան ուժերու տեղեկատուութեան բաժնի իրականացուցած հետաքննութեան աւարտէն ետք՝ անցեալ ամսուան Ալէյի Քապըր Շմունի մէջ տեղի ունեցած մահացու բախումներուն վերաբերող գործը պիտի քննարկուի զինուորական դատարանի  դատախազութեան կողմէ: Դատարանը որոշում պիտի կայացնէ, եթէ պէտք է քրէական հետապնդում իրականացնել այն չորս տղամարդոց հանդէպ, որոնք մինչ օրս ձերբակալուած են:

Մինչ գործը տեղափոխուած է զինուորական դատարան, Կառավարութիւնը կրնայ որոշում կայացնել զայն ուղղելու դատական ​​խորհուրդ՝ բարձրագոյն դատարան, որ անվտանգութեան շատ զգայուն դէպքեր վարելու փորձ ունի:

Նշենք, որ միջադէպին հետ կապուած լարուածութիւնը մօտ մէկ ամիս արգելք հանդիսացաւ Կառավարութեան նիստերու գումարումին, հակառակ ընդհանուր անվտանգութեան ղեկավար Ապպաս Իպրահիմի միջնորդական փորձերուն եւ վարչապետ Սաատ Հարիրիի ջանքերուն, որոնք միտուած էին լարուածութիւնը թեթեւցնելուն:

Share Button

Leave a Reply

Your email address will not be published. Required fields are marked *

Լրատուութեան գործընկեր