• London

  • Beirut

  • Moscow

  • Los Angeles

  • Paris

  • Sydney

  • Toronto

Վեթերանները Ծրագրած Են Արգելափակել Երեսփոխաններու Մուտքը Խորհրդարան

15.07.2019   08:28

«ԶԱՐԹՕՆՔ», ՊԷՅՐՈՒԹ  –Ազգային վեթերաններու կազմակերպութեան ղեկավար Մարուն Խրէյշ կոչ ըրած է թոշակառու զինծառայողներուն Երեքշաբթի արգելափակելու խորհրդարանի մուտքը` իբրեւ բողոք 2019-ի պետական պ​իւտճէի նախագիծին դէմ:

Խորհրդարանի ընդհանուր ժողովը Երեքշաբթի պիտի հանդիպի առաջին անգամ ըլլալով՝ քննարկելու պիւտճէն: Փաստաթուղթը կ՝ընդգրկէ խստացման քայլեր, ինչպէս՝ վեթերաններու ծառայութեան վերջնական շահերու կրճատումը:

Բողոքի ժամանակ վեթերանները նպատակ ունին խանգարելու պիւտճէի ընդունումը, որ «պիւտճէի պակասուրդը լրացնելու համար ձեռքերը կը դնէ աղքատներու գրպաններուն մէջ՝ փոխանակ կանգնեցնէ աւելորդ վատնումները եւ պետական ​​միջոցներու գողութիւնը»,- ըսաւ Խրէյշ:

Վեթերանները, ըստ Խրէյշի, որոշած են հաւաքուիլ Երեքշաբթի առաւօտեան ժամը 8:00-ին, Նահատակաց հրապարակին եւ Ռիատ Սոլհի վրայ:

Խորհրդարանի նախագահ Նեպիհ Պըրրի Երեքշաբթի օրուան համար հրաւիրած է առաւօտեան եւ երեկոյեան խորհրդարանական նիստեր:

Share Button

Leave a Reply

Your email address will not be published. Required fields are marked *

Լրատուութեան գործընկեր