• London

  • Beirut

  • Moscow

  • Los Angeles

  • Paris

  • Sydney

  • Toronto

25. 05. 2022

Ժաաժաա Կը Քննադատէ Իրավիճակը Լարելու Պասիլի Հռետորութիւնը

12.07.2019   09:05

«ԶԱՐԹՕՆՔ», ՊԷՅՐՈՒԹ  –  Լիբանանեան ուժերու կուսակցութեան ղեկավար Սամիր Ժաաժաա Հինգշաբթի քննադատեց Ազգային Ազատ հոսանքի ղեկավար Ժըպրան Պասիլի հռետորաբանութիւնը՝ մեղադրելով զինք երկրին մէջ լարուածութիւնը բարձրացնելու եւ քաղաքացիական պատերազմի մթնոլորտը  վերադարձնելու մէջ:

«Քաղաքական գործիչը չի կրնար ըսել, ինչ կ՝ուզէ: … Տեսէք որքան լարուած է իրավիճակը»,- ըսաւ Ժաաժաա մամլոյ ասուլիսի ժամանակ:

Պասիլ ուշադրութիւն կը գրաւէ երկրին մէջ իրականացուող շրջագայութիւններուն ընթացքին ունեցած վիճահարոյց ելոյթներով, որոնք գրեթէ բոլոր քաղաքական կողմերէն մեծ արձագանգ գտած են:

«Հակամարտութիւնը չի ձգեր Թրիփոլի այցելեմ: Անիկա կը խոչընդոտէ իմ եւ Ազգային Ազատ հոսանքի Թրիփոլի գալուն»,- ըսած էր ան՝ շեշտելով, որ Ազգային Ազատ հոսանքը չէր նախկին վարչապետը սպաննողը, որ Թրիփոլիէն էր։

Ժաաժաա նաեւ քննադատեց 2019-ի պետական պիւտճէի նախագիծը՝ նշելով, որ անիկա չ՝արտացոլեր երկրի ծախսերը արդիւնաւէտօրէն նուազեցնելու անհրաժեշտութիւնը։

Նշենք, որ յաջորդ Երեքշաբթի, Չորեքշաբթի եւ Հինգշաբթի օրերուն Խորհրդարանը կը նախատեսէ հանդիպիլ առաւօտեան եւ երեկոյեան նիստերով` քննարկելու եւ հաստատելու պիւտճէն, որ անցնող Երեքշաբթի հաստատուեցաւ ելեւմուտքի եւ պիւտճէի յանձնաժողովին կողմէ։

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր