• London

  • Beirut

  • Moscow

  • Los Angeles

  • Paris

  • Sydney

  • Toronto

Փութին Հարկ Չի Համարեր Պատժամիջոցներ Կիրառել Վրաստանի Դէմ

10.07.2019   03:16

«ԶԱՐԹՕՆՔ», ՊԷՅՐՈՒԹ  – ՌԴ նախագահ Վլատիմիր Փութին վրացի ժողովուրդի հանդէպ յարգանքի պահպանման համար հարկ չի համարեր պատժամիջոցներ կիրառել այդ երկրին դէմ:

Ինչպէս կը հաղորդէ «Արմէնփրես»՝ վկայակոչելով Թասս-ը,  նախագահը այդ քայլին կը դիմէ նաեւ Վրաստանի հետ երկկողմ յարաբերութիւններու պահպանման համար:

«Մէկը ելաւ, բան մը ըսաւ, ինքզինքը բան մը երկեւակայեց եւ ոեւէ մէկը զինք չի ճանչնար, բայց հիմա բոլորը կը խօսին, այդ իմաստով ան հասած է իր նպատակին: Երկու ամիսով զինք հեռացուցած են, կ’երթայ կը հանգստանայ, կը վերադառնայ ու կը շարունակէ իր աշխատանքը: Վրաստանի մէջ, սակայն, կան անձինք, որոնք կը բողոքեն այդ բոլորի դէմ»,- նշած է Փութին՝ անդրադառնալով իր հասցէին օրեր առաջ վրացական «Ռուսթաւի 2» հեռուստաալիքի հեռատեսիլի հաղորդավար Գէորգի Գապունիայի հնչեցուցած հայհոյանքներուն:

Ռուսասիոյ ղեկավարի կարծիքով, մեծ պատիւ պիտի ըլլայ վրացի լրագրող Գէորգի Գապունիայի համար, անոր դէմ քրէական գործ յարուցելը։ Փութին այս կարծիքը յայտնած է՝ անդրադառնալով ռուս պատգամաւորներու ըսածին:

 

Share Button

Leave a Reply

Your email address will not be published. Required fields are marked *

Լրատուութեան գործընկեր