• London

  • Beirut

  • Moscow

  • Los Angeles

  • Paris

  • Sydney

  • Toronto

Թրամփ Խոստացած է Շատ Շուտով ԱՄՆ Դրօշը Տեղադրել Մարսի Վրայ

06.07.2019   07:48

«ԶԱՐԹՕՆՔ», ՊԷՅՐՈՒԹ  – Միացեալ Նահանգներու նախագահ Տանըլտ Թրամփ յայտարարած է, որ ԱՄՆ տիեզերագնացները շուտով կրկին պիտի ելլեն Լուսնի վրայ, ապա պիտի թռչին դէպի Մարս, ուր պիտի տեղակայեն ամերիկեան դրօշը: Ինչպէս կը հաղորդէ «Արմէնպրես»-ը, այս մասին կը  յայտնէ ՏԱՍՍ-ը:

2018 թուականի Դեկտեմբերին Թրամփ ստորագրած էր Պարաք Օպամայի կողմէ չեղեալ համարուած լուսնային ծրագիրը փաստացիօրէն վերսկսելու մասին կարգադրութիւն: Նախագահի խօսքով՝ ԱՄՆ տիեզերագնացները ոչ միայն Լուսնի վրայ պիտի ձգեն իրենց դրօշն ու հետքը, այլեւ հիմքեր պիտի դնեն Մարս թռչելու համար:

«Մենք շատ շուտով պիտի թռչինք դէպի Լուսին, իսկ անկէ ետք ամերիկեան դրօշը պիտի ձգենք Մարսի վրայ»,- յայտարարած է նախագահ Թրամփ ԱՄՆ Անկախութեան օրուան նուիրուած ձեռնարկի ելոյթին ժամանակ:

Share Button

Leave a Reply

Your email address will not be published. Required fields are marked *

Լրատուութեան գործընկեր