• London

  • Beirut

  • Moscow

  • Los Angeles

  • Paris

  • Sydney

  • Toronto

Աուն Կը Զգուշացնէ Աղանդաւորական Պայքարի Վերադարձին Մասին

06.07.2019   07:38

«ԶԱՐԹՕՆՔ», ՊԷՅՐՈՒԹ  – Նախագահ Միշել Աուն, Ուրբաթ օր, իր առաջին հրապարակային ելոյթով զգուշացուց լեռնային շրջաններուն մէջ աղանդաւորական պայքարի վերադարձին մասին:

«Այն, ինչ կատարուեցաւ Ալէի մէջ, երբեք պէտք չէ կրկնուի, եւ մենք պէտք է պահպանենք լիբանանցի ժողովուրդին ազատութիւնը, յատկապէս անոնց, որոնք ներկայացուած են տարբեր շրջաններ ճամբորդելու»,- կը նշուի նախագահականէն հրապարակուած յայտարարութեան մէջ:

Աունի խօսքերը կը վերաբերէին անցեալ շաբաթավերջին Ալէյի մէջ տեղի ունեցած բախումներուն, որոնք խլեցին երկու կեանք եւ որուն հետեւանքով վիրաւորուեցան երկու ուրիշներ։

Աուն լեռնային շրջաններուն կոչ ըրաւ մնալու կայուն եւ հեռու աղանդաւորական պայքարէն, որպէսզի Լիբանանը չի վերածուի «աղանդաւորական գաւառակներ»ու։  

Ան ընդգծեց, որ 2001-ի լեռնային հաշտեցումը, որ տասնամեակներ անց միացուց տիւրզի համայնքը մարոնի եկեղեցւոյ հետ, «տակաւին կայուն է»։

Հանդիպումը, քացիական պատերազմի ժամանակ (1975-90) տեղահանուած քրիստոնեայ քաղաքացիներուն արտօնած էր վերադառնալու իրենց տարածքները:

Նշենք, որ նախագահը Կիրակի երեկոյեան արտակարգ նիշտ հրաւիրած էր բարձրագոյն ռազմական խորհուրդի հետ՝ քննարկելու համար, թէ ինչպէս կանխել տարածաշրջանի աղանդաւորական ճնշումը:

Աուն Ուրբաթ օր ըսաւ, որ խորհուրդը ձեռնարկած է անհրաժեշտ միջոցներ, եւ բախումներու ետին կանգնողները պատասխանատւութեան պիտի կանչուին:

Առայժմ հինգ կասկածեալներ յանձնուած են Ներքին անվտանգութեան ուժերու տեղեկատուական բաժին` հետաքննութեան համար:

Share Button

Leave a Reply

Your email address will not be published. Required fields are marked *

Լրատուութեան գործընկեր