• London

  • Beirut

  • Moscow

  • Los Angeles

  • Paris

  • Sydney

  • Toronto

Հարիրի Յետաձգեց Կառավարութեան Նիստը՝ Յիշատակելով Ալէյի Դէպքերը

03.07.2019   08:18

«ԶԱՐԹՕՆՔ», ՊԷՅՐՈՒԹ – Վարչապետ Սաատ Հարիրի, յետաձգեց կառավարութեան նիստը՝ յիշատակելով Ալէյի վերջին դէպքերը, որոնք լարուածութիւն յառաջացրուցած էին Լիբանանի գլխաւոր Տիւրզի կուսակցութիւններուն եւ անոնց դաշնակիցներուն միջեւ:

«Մեզի անհրաժեշտ է 48 ժամ՝ մեղմացնելու համար ընթացիկ լարուածութիւնը, որուն համար ալ որոշեցի յետաձգել այսօրուան նիստը»,- յայտարարեց Հարիրի՝ իր որոշումը հրապարակելէ ետք:

«Իբրեւ վարչապետ իմ պարտքն է մեղմացնել այս լարուածութիւնը»,- ընդգծեց ան:

Նիստը նախատեսուած էր կէսօրէ առաջ ժամը 11:30-ին, սակայն ժամը 1։00-ին ժամանած էին միայն Հարիրին եւ 30 նախարարներէն 16-ը: Բացակայողներուն մեծ մասը կը պատկանին կամ դաշնակից են Ազգային Ազատ հոսանքին եւ Լիբանանի դեմոկրատական ​​կուսակցութեան, որոնք հանդիպում մը ունեցած են Արտաքին գործոց նախարարութեան մօտ՝ քննարկելու դէպքերուն վերաբերող նիստին ընթացքին անոնց կեցուածքը:

Վարչապետը նշեց, թէ Կառավարութեան յաջորդ հանդիպումը պիտի որոշուի շուտով։

Յիշեցնենք, որ լարուածութիւնը կապուած էր շաբաթավերջին Ալէյի մէջ տեղի ունեցած բախումներուն հետ, որոնց ընթացքին սպաննուած էին Գաղթականներու հարցերով նախարար Սալեհ Ղարիպի երկու թիկնապահները, եւ փոխհրաձգութեան իբրեւ արդիւն՝ վիրաւորուած էին երկու ուրիշներ։

Share Button

Leave a Reply

Your email address will not be published. Required fields are marked *

Լրատուութեան գործընկեր