• London

  • Beirut

  • Moscow

  • Los Angeles

  • Paris

  • Sydney

  • Toronto

Թիֆլիսի Մէջ Բախումներէն Տուժած Հայուն Վիճակը Կայուն է

03.07.2019   08:26

«Զարթօնք», Պէյրութ – Վրաստանի մէջ ՀՀ դեսպանութեան աշխատակիցները այցելած են հիւանդանոց, ուր կը բուժուի Թիֆլիսի մէջ տեղի ունեցած բախումներուն հետեւանքով տուժած Վրաստանի քաղաքացի Դաւիթ Գրիգորեանը: Բժիշկները հաւաստիացուցած են՝ անոր վիճակը կայուն է: Ըստ «Արմէնպրես»-ի՝ այս մասին տեղեկացուցած է դեսպանութեան մամուլի ծառայութիւնը:

«Վրաստանի մէջ ՀՀ դեսպանութեան դիւանագէտները այսօր (2 Յուլիս) այցելած են հիւանդանոց, ուր կը գտնուի 20 լոյս 21 Յունիսին Թիֆլիսի մէջ տեղի ունեցած բախումներուն հետեւանքով տուժած Վրաստանի քաղաքացի Դաւիթ Գրիգորեանը։ Դիւանագէտները հանդիպում ունեցած են գլխաւոր բժիշկի եւ բուժող բժիշկներու հետ։ Անոնց խօսքերով` Դաւիթ Գրիգորեանի առողջական վիճակը կը գնահատուի կայուն, եւ վերջինս այսօր կամ վաղը վերակենդանացման բաժանմունքէն պիտի տեղափոխուի սենեակ»,- ըսուած է դեսպանատան հաղորդագրութեան մէջ:

Դեսպանութիւնը մշտական կապ կը պահպանէ բժիշկներուն հետ եւ Դաւիթ Գրիգորեանի առողջական վիճակին մասին հանդէս կու գայ յաւելեալ յայտարարութիւններով։

Յիշեցնենք, որ Թիֆլիսի մէջ, 20 լոյս 21 Յունիսին տեղի ունեցած բախումներուն հետեւանքով տուժածներուն մէջ եղած էր հայ, Վրաստանի քաղաքացի Դաւիթ Գրիգորեանը, որ վնասուածքներ ստացած է գլուխէն եւ որուն վիրահատած էին:

Share Button

Leave a Reply

Your email address will not be published. Required fields are marked *

Լրատուութեան գործընկեր