• London

  • Beirut

  • Moscow

  • Los Angeles

  • Paris

  • Sydney

  • Toronto

Կեանքի Կոչուեցաւ Լիբանանեան Նոր Օրաթերթ Մը «Նիտա Ալ Ուաթան»

02.07.2019   01:44

«ԶԱՐԹՕՆՔ», ՊԷՅՐՈՒԹ – Երկուշաբթի կեանքի կոչուեցաւ Լիբանանեան նոր օրաթերթ մը, հակառակ վերջին տարիներուն ստեղծուած տնտեսական ճգնաժամին պատճառով շարք մը թերթերու փակման:

«Նիտա Ալ Ուաթան, կամ Ազգի Կանչը, կը հովանաւորուի լիբանանցի գործարար Միշէլ Մքաթաֆի կողմէ, որ Մայիս 2018-ի խորհրդարանական ընտրութիւններուն թեկնածու էր։ 16 էջերէ կազմուած օրաթերթին կ՝աշխատակցին խումբ մը անուանի սիւնակագիրներ։

Թերթի գլխաւոր խմբագիր Պշարա Շարպէլի խօսքով «Նիտա Ալ Ուաթան»-ը պիտի անդրադառնայ փտածութեան, Լիբանանի քաղաքականութեան միջամուխ եղող օտարներուն եւ երկրին մէջ ուժի ապօրինի օգտագործման։  

«Օրաթերթը նպատակ ունի եւ կը յաղթահարէ խնդիր մը, որ Լիբանանի ինքնիշխանութիւնն է»,- ըսաւ Շարպէլ՝ ընդգծելով, որ թերթը շահոյթ չի կրնար հետապնդել՝ հաշուի առնելով երկրի տնտեսական իրավիճակը։

Նշենք, որ Լիբանանի թերթերուն մեծ մասը անձնական են եւ սովորաբար կապուած՝ երկրի քաղաքական կուսակցութիւններուն:

Share Button

Leave a Reply

Your email address will not be published. Required fields are marked *

Լրատուութեան գործընկեր