• London

  • Beirut

  • Moscow

  • Los Angeles

  • Paris

  • Sydney

  • Toronto

11. 08. 2022

Բարձրագոյն Պաշտպանական Խորհուրդը Ալէյի Բռնութեան Հարցով Ամբողջական Հետաքննութիւն Կը Պահանջէ

02.07.2019   01:42

«ԶԱՐԹՕՆՔ», ՊԷՅՐՈՒԹ – Իշխանութիւնները պիտի իրականացնեն արագ եւ մանրակրկիտ հետաքննութիւն մը, կապուած շաբաթավերջին Ալէյի մէջ տեղի ունեցած բախումներուն հետ, որպէսզի իրականացնեն  անհրաժեշտ ձերբակալութիւնները: Այս մասին յայտնեց Բարձրագոյն Պաշտպանական խորհուրդը։

Խորհուրդի հրաւիրած արտակարգ նիստին ներկայ էին նախագահը, վարչապետը, Կառավարութեան տարբեր նախարարներ, Լիբանանեան բանակի եւ անվտանգութեան ուժերու ղեկավարներ:

Արտակարգ նիստը հրաւիրուեցաւ նախագահ Միշէլ Աունի կողմէ Կիրակի օր, երբ նոյն օրուան սկիզբը սպաննուեցաւ երկու հոգի ու չորս ուրիշներ վիրաւորուեցան:

Երկու սպաննուածները, որոնք թիկնապահներն էին Գաղթականներու հարցերով նախարար Սալեհ Ղարիպի, մահացան, երբ զինուած անձեր կրակ բացին նախարարին ուղեկցող մեքենաներուն ուղղութեամբ, որոնք կ՝անցնէին Քապրշմունէն (Ալէյ գիւղաքաղաքէն): Փոխհրաձգութեան իբրեւ արդիւն վիրաւորուեցան երկու ուրիշներ:

Դէպքին մանրամասնութիւնները կը քննուին:

Հանդիպումէն ետք ներքին գործոց նախարարը յայտարարեց, որ Ալէյի մէջ իրավիճակը հանգիստ է եւ հարցը շուտով պիտի լուծուի:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր