• London

  • Beirut

  • Moscow

  • Los Angeles

  • Paris

  • Sydney

  • Toronto

Հարիրի. «Ամբողջ Լիբանանը» Դէմ է Թրամփի Խաղաղութեան Պայմանագրին

27.06.2019   01:22

«ԶԱՐԹՕՆՔ», ՊԷՅՐՈՒԹ – Վարչապետ Սաատ Հարիրի Չորեքշաբթի օր ընդգծեց Լիբանանի մերժումը դարի այսպէս կոչուած գործարքին՝ Իսրայէլա-պաղեստինեան խաղաղութեան վերաբերեալ Միացեալ Նահանգներու առաջարկին:

«Կառավարութիւնը, խորհրդարանը եւ ամբողջ Լիբանանը դէմ են «դարի գործարքին»»,- ըսաւ  Հարիրի` օրէնսդիր նիստին ժամանակ խորհրդարանէն ներս իր ելոյթին ընթացքին:

Երեքշաբթի օր Պահրէյնի մէջ սկսած երկօրեայ միջազգային հանդիպման ժամանակ՝ ԱՄՆ նախագահ Տանըլտ Թրամփի վարչակազմը ներկայացուց տնտեսական ծրագիր մը, իբրեւ ընդարձակ քաղաքական ծրագրի մը առաջին մասը՝ Իսրայէլա-պաղեստինեան հակամարտութեան լուծման համար:

Անիկա կ’առաջարկէ աւելի քան 50 միլիառ տոլար, իբրեւ խթանիչ ուժ Լիբանանի, Եգիպտոսի, Յորդանանի եւ գրաւեալ Պաղեստինեան տարածքներու տնտեսութեան: Լիբանանի բաժինը պիտի կազմէ 6 միլիառ տոլար:

Թէեւ ծրագիրը ամբողջովին չէ հրապարակուած, դիտորդները զգուշացուցած են, որ, ատիկա  Լիբանանի եւ միւս երկիրներուն համար տեսակ մը կաշառք է՝ պաղեստինցի գաղթականներուն տրամադրուած օգնութեան դիմաց:

Հարիրին վերահաստատեց, որ Լիբանանի Սահմանադրութիւնը կ՝արգիլէ գաղթականներու տեղակայման որեւէ տարբերակ Լիբանանի մէջ:

Share Button

Leave a Reply

Your email address will not be published. Required fields are marked *

Լրատուութեան գործընկեր