• London

  • Beirut

  • Moscow

  • Los Angeles

  • Paris

  • Sydney

  • Toronto

Սթամպուլի Ընտրութիւնները Աւարտեցան. Էրտողանի Կուսակցութեան Թեկնածուն Դարձեալ Պարտուեցաւ

24.06.2019   01:31

«ԶԱՐԹՕՆՔ», ՊԷՅՐՈՒԹ –  «Արցախփրես»-ի փոխանցմամբ, Յունիս 23-ին Թուրքիոյ մէջ տեղի ունեցաւ Սթամպուլ քաղաքի քաղաքապետի ընտրութիւնը, որ այս տարի կ’իրականացուի երկրորդ անգամ։

Առաջին անգամ՝ Մարտ 31-ի համապետական ՏԻՄ ընտրութիւններու ժամանակ Էրտողանի Արդարութիւն եւ զարգացում կուսակցութիւնը դարձեալ պարտուած էր Սթամպուլի մէջ ձայներու չնչին՝ 13000 քուէ տարրբերութեամբ։ Սակայն ԱԶԿ-ի բողոքարկումէն ետք արդիւնքները չեղեալ յայտարարուեցան եւ նշանակուեցան երկրորդ ընտրութիւնները։

Yerkir.am-ի փոխանցմամբ՝ Երեւանեան ժամանակով 18։00-ին արդէն փակուած էին բոլոր ընտրատեղամասերը եւ սկսած ձայներու հաշուարկը։ Ոչ պաշտօնական տուեալներով, յաղթած է ընդդիմադիր Հանրապետական-Ժողովրդական կուսակցութեան թեկնածու Էքրեմ Իմամօղլուն։ ԱԶԿ թեկնածու, նախկին վարչապետ եւ ԹԱՄԺ նախագահ Պինալի Եըլտրըրըմը արդէն շնորհաւորած է իր մրցակիցի յաղթանակը։

Ընտրութիւններու ընթացքին տեղեկութիւններ տարածուեցան, որ շարք մը քուէաթերթիկներու վրայ չկան կնիքներ։ ԱԶԿ-ն եւ ՀԺԿ-ն բողոքարկեցին, սակայն Բարձրագոյն ընտրական յանձնաժողովը վաւեր ճանչցաւ քուէները։

Բացուած են արդէն քուէաթերթիկներու 95.2 տոկոսը, որուն համաձայն Իմամօղլուն ստացաւ 53.68, իսկ Եըլտըրըմը 45.40 տոկոս։

Այսպիսով Իմամօղլու արդէն երկրորդ անգամ յաղթանակ տարաւ իշխանական թեկնածուի նկատմամբ եւ այս անգամ արդէն ձայներու ահռելի տարբերութեամբ:

Share Button

Leave a Reply

Your email address will not be published. Required fields are marked *

Լրատուութեան գործընկեր