• London

  • Beirut

  • Moscow

  • Los Angeles

  • Paris

  • Sydney

  • Toronto

Պըրրի Կ՝արհամարհէ Պաղեստինցիներու Համար Քուշների Ներդրումային Ծրագիրը

24.06.2019   01:25

«ԶԱՐԹՕՆՔ», ՊԷՅՐՈՒԹ –  Խորհրդարանի նախագահ Նեպիհ Պըրրի Կիրակի օր յայտարարեց, որ Միացեալ Նահանգները՝ իր միլիառաւոր տոլարներու ներդրումներով, չի կրնար համոզել Լիբանանը՝ մշտապէս բնակութիւն տալու պաղեստինցի գաղթականներուն:

«Միակ ներդրումը, որ տեղ չունի Լիբանանի մէջ, որեւէ ներդրում է ի շահ պաղեստինեան խնդրի եւ պաղեստինցի ժողովուրդի իրաւունքին՝ վերադառնալու իրենց երկիր եւ ստեղծելու անկախ պետութիւն՝ Երուսաղէմը ունենալով իբրեւ մայրաքաղաք»,- ըսաւ Պըրիի:

Սպիտակ տան աւագ խորհրդական Ճարետ Քուշներ, Շաբաթ օր, Reuters-ին տուած հարցազրոյցի մը ժամանակ քննարկեց 50 միլիառ տոլար արժողութեամբ պաղեստինեան ներդրումային եւ ենթակառուցուածքային առաջարկը՝ իբրեւ ԱՄՆ վարչակազմի «դարու գործարք» Մերձաւոր Արեւելքի խաղաղութեան ծրագիրին մէկ մասը:

Ծրագիրը կը ներառէ մեծ գումարներ Յորդանանի եւ Լիբանանի համար, որոնք մեծ թիւով պաղեստինցի գաղթականներ ունեցող երկիրներ են՝ ակնյայտօրէն փորձելով զիրենք ներգրաւել այդ ազգերուն մէջ:

Պըրիի խօսքով Քուշներ «սխալած է, եթէ կը կարծէ, որ միլիառաւոր տոլարներով կրնայ հրապուրել Լիբանանը՝ (որ կը պայքարի տնտեսական ծանր ճգնաժամի պայմաններու տակ), ենթարկուելու իր կանոններուն»: Խորհրդարանի նախագահը ընդգծեց, որ Լիբանանը պիտի շարունակէ մերժել Պաղեստինեան գաղթականներու մշտական բնակութիւնը եւ «իր պաղեստինցի եղբայրներուն հետ պիտի դիմակայէ՝ օրինական դիմադրութեան իւրաքանչիւր մեթոտով»:

Քուշներ կը պատրաստուի Պահրէյնի մէջ կայանալիք միջազգային խորհրդաժողովին ներկայացնելու իր «խաղաղութիւն բարգաւաճման համար» ծրագիրը:

Լիբանանը մերժեց Երեքշաբթի եւ Չորեքշաբթի կայանալիք ԱՄՆ-ի հովանաւորած խորհրդաժողովին մասնակցելու հրաւէրը։

Share Button

Leave a Reply

Your email address will not be published. Required fields are marked *

Լրատուութեան գործընկեր