• London

  • Beirut

  • Moscow

  • Los Angeles

  • Paris

  • Sydney

  • Toronto

Էրտողան Կրկին Խոստումներ Շռայլած է Սթամպուլցիներուն

21.06.2019   00:32

«ԶԱՐԹՕՆՔ», ՊԷՅՐՈՒԹ –Թուրքիոյի նախագահ Ռեճեփ Թայիփ Էրտողան կրկին խոստումներ շռայլած է Սթամպուլի ընտրողներուն: Յունիս 19-ին թրքական Ֆիքրի Ասըմ ընկերութեան կողմէ կազմակերպուած հանդիպման ժամանակ նախագահ Էրտողան, դիմելով Սթամպուլի բնակչութեան, կոչ ըրած է Յունիս 23-ին կայանալիք քաղաքապետի ընտրութիւններու ժամանակ քուէարկել «Արդարութիւն եւ Զարգացում» կուսակցութեան կողմէ առաջադրուած թեկնածու Պինալի Եըլտըրըմի օգտին:

«Դուք լաւ գիտէք, թէ մեր կուսակցութեան պաշտօնավարման տարիներուն ինչ քայլեր իրականացուցած ենք՝ յօգուտ մեր սթամպուլաբնակ քաղաքացիներուն: Եթէ Պինալի Եըլտըրըմն ընտրուի քաղաքապետ, ապա վստահ եղէք, որ 24-25 տարի շարունակ իրականացուող բարեփոխումները աւելի բարձր մակարդակով պիտի շարունակուին», – «Արմէնփրես»-ի հաղորդմամբ՝ նշած է ան:  

Խօսելով Հանրապետա-Ժողովրդական կուսակցութեան թեկնածու Էքրեմ Իմամօղլուի մասին՝ Էրտողան յայտարարած է, որ ի տարբերութիւն Պինալի Եըլտըրըմի, Իմամօղլուն կառավարման ոլորտի մէջ փորձ չունի: Մինչդեռ Պինալի Եըլտըրըմը եղած է պատգամաւոր, նախարար, վարչապետ, նաեւ՝ Ազգային ժողովի նախագահ:

Էրտողանի խօսքով՝ ժողովրդավարութիւնը կը ձեւաւորուի քուէատուփի մօտ, մինչդեռ Հանրապետա-Ժողովրդական կուսակցութեան անդամները կը կարծեն, որ անիկա կը ձեւաւորուի փողոցի մէջ, երբ ժողովուրդը իր ազատ կամքը կ’արտայայտէ ցոյցերու եւ յեղափոխութիւններու միջոցով: Էրտողանի համոզմամբ՝ անհրաժեշտ է Կիրակի օրը անոնց ապացուցել, որ կը սխալին:

 

Share Button

Leave a Reply

Your email address will not be published. Required fields are marked *

Լրատուութեան գործընկեր