• London

  • Beirut

  • Moscow

  • Los Angeles

  • Paris

  • Sydney

  • Toronto

Զասիպքին. Սուրիոյ Գագաթնաժողովին Լիբանանի Ներկայութիւնը Պիտի Նպաստէ գաղթականներու Վերադարձին

21.06.2019   00:04

«ԶԱՐԹՕՆՔ», ՊԷՅՐՈՒԹ – Լիբանանի մէջ Ռուսիոյ դեսպան Ալեքսանտր Զասիպքին Հինգշաբթի յայտարարեց, որ Սուրիական պատերազմին քաղաքական լուծում որոնող յառաջիկայ խորհրդաժողովին Լիբանանի ներկայութիւնը պիտի նպաստէ գաղթականներու վերադարձին:

«Պէտք է քաղաքական կամ միջազգային ծաւալի աշխատանք տարուի՝ ապահովելու համար սուրիացի գաղթականներուն վերադարձը, եւ Լիբանան Ասթանա գալը, պիտի նպաստէ այդ աշխատանքին»,- յայտնեց Զասիպքին:

Խորհրդաժողովը, որ կը նախատեսուի Յուլիսի սկիզբը Ղազախստանի մայրաքաղաք Նուր-Սուլթանի մէջ (նախկին Ասթանա), պիտի մէկտեղէ Թուրքիան, Ռուսիան եւ Իրանը` լուծում գտնելու աւելի քան 8 տարուան սուրիական հակամարտութեան:

Խորհրդաժողովին մասնակցելու Լիբանանի հրաւէրը փոխանցուած է նախագահ Միշէլ Աունին եւ արտաքին գործոց նախարար Ժըպրան Պասիլին՝ Չորեքշաբթի օր Սուրիոյ մէջ Ռուսիոյ նախագահի յատուկ ներկայացուցիչ Ալեքսանտր Լաւրէնթիեւի հետ կայացած հանդիպման ժամանակ։

Հանդիպման ժամանակ Աուն եւ Լաւրէնթիեւ քննարկած են անցեալ տարի յայտարարուած ռուսական այն նախաձեռնութիւնը, որ կը վերաբերէր տեղահանուած սուրիացի 

վերադարձին: Նախաձեռնութիւնը տակաւին չէ իրականացած՝ նիւթական եւ միջազգային հանրութեան կողմէ աջակցութիւն չունենալուն պատճառով:

Դեսպան Զասիպքինի հաւաստիացումով՝  իր երկիրը պատրաստ է աջակցելու Լիբանանի եւ Սուրիոյ կառավարութիւններուն միջեւ բանակցութիւններուն:

Լիբանանի քաղաքական կուսակցութիւնները տարաձայնութիւններ ունին Դամասկոսի հետ բանակցութիւններուն գծով: Աունի Ազգային Ազատ հոսանքը Սուրիոյ հետ ուղիղ բանակցութիւններ սկսելու կոչ ըրած է` գաղթականներու ճգնաժամի լուծման համար: Այնուամենայնիւ, Յառաջադիմական-ընկերվար ​​կուսակցութիւնը, Ալ Մուսթաքպալ հոսանքը եւ Լիբանանեան Ուժերը կը ջանան քաղաքական լուծում գտնել հակամարտութեան համար, որեւէ ուղղակի բանակցութիւններէն:

Նշենք, որ Լիբանան կը հիւրընկալէ ՄԱԿ-ի փախստականներու գործակալութեան կողմէ արձանագրուած մօտ 1 միլիոն փախստական, սակայն կառավարութեան տուեալներով՝  գաղթականներու ընդհանուր թիւը կը հասնի աւելի քան 1.5 միլիոնի:

 

Share Button

Leave a Reply

Your email address will not be published. Required fields are marked *

Լրատուութեան գործընկեր