• London

  • Beirut

  • Moscow

  • Los Angeles

  • Paris

  • Sydney

  • Toronto

ԱՄՆ Ծերակուտական Լանքֆորտ Պիտի Հանդիպի Լիբանանի Շարք Մը Պաշտօնատարներուն Հետ

23.02.2019   01:52

«ԶԱՐԹՕՆՔ», ՊԷՅՐՈՒԹ – Ամերիկայի Միացեալ Նահանգներու ծերակուտական Ճեյմզ Լանքֆորտ ժամանեց Պէյրութ եւ հանդիպում ունեցաւ Հանրապետութեան վարչապետ Սաատ Հարիրիի հետ՝ քննարկելու Լիբանանի մէջ տիրող այժմու իրավիճակը:
Հանդիպումին ԱՄՆ-ի Օքլահոմա նահանգի ծերակուտական Լանքֆորտը եւ վարչապետ Հարիրին անդրադարձան լիբանանեան եւ տարածաշրջանային շարք մը խնդիրներու: Այս մասին հաղորդեցին վարչապետի տեղեկատուական գրասենեակէն:
ԱՄՆ-ի դեսպան Էլիզապէթ Ռիչըրտը եւ նախկին նախարար Ղաթթաս Խուրին ներկայ էին հանդիպումին:
ԱՄՆ-ի դեսպանութենէն աղբիւրի մը համաձայն՝ Լիբանան այցի ծիրէն ներս Լանքֆորտ հանդիպում պիտի ունենայ նաեւ այլ պաշտօնատարներու հետ՝ քննարկելու երկուստեք հետաքրքրութիւն ներկայացնող հարցեր:          

Share Button

Leave a Reply

Your email address will not be published. Required fields are marked *

Լրատուութեան գործընկեր