• London

  • Beirut

  • Moscow

  • Los Angeles

  • Paris

  • Sydney

  • Toronto

Հալէպի Քառասուն Մանկանց Եկեղեցին Վերականգնումէն Ետք Պիտի Բացուի Գարնան

22.02.2019   03:49

«ԶԱՐԹՕՆՔ», ՊԷՅՐՈՒԹ –Հալէպի Քառասուն Մանկանց մայր տաճարին մէջ, վերականգնումէն ետք, առաջին պատարագը տեղի պիտի ունենայ Մարտ-Ապրիլին:

Եկեղեցին 2015-ին պայթեցուցած էին ԻՊ գրոհայինները:

«Աշխատանքներուն ծաւալը վիթխարի էր: Միջանցքը ամբողջութեամբ աւերուած էր, ստիպուած էինք զայն կրկին կառուցել: Մենք օգտագործած ենք պահպանուած հին քարերը, անոնք հաւաքած ենք եւ դրած նորովի: Ասիկա ամենադժուարն էր: Շէնքի գրեթէ 70 տոկոսը աւերուած էր»,- ըստ News.am-ի՝ ըսած է ճարտարապետ Գաբրիս Թամասեան: Արդէն դրուած են տաճարի նոր դռները եւ պատուհանները, նստարանները շուտով կը բերուին: Ճակատամասը ամբողջութեամբ վերականգնուած է, աւարտին կը մօտենան երեսապատման աշխատանքները:

Քառասուն Մանկանց եկեղեցւոյ վերականգնումը կ՝իրականացուի Հալէպի հայ համայնքի հաւատացեալներու նուիրատւութիւններով: Առնուազն 150 հազար մարդ իր աւանդը բերած է սրբավայրի վերականգնման գործին: Կը նախատեսուի տաճարին մէջ առաջին պատարագը իրականացնել Մարտի վերջը-Ապրիլի սկիզբը:

Share Button

Leave a Reply

Your email address will not be published. Required fields are marked *

Լրատուութեան գործընկեր