• London

  • Beirut

  • Moscow

  • Los Angeles

  • Paris

  • Sydney

  • Toronto

15. 08. 2022

Պոլսոյ Հրանդ Տինքի Անուան Վարժարանին Կից Գործող Մանկապարտէզի Հրաժեշտի Հանդէս

04.06.2018   19:42

Մայիս 25-ը  նշանաւոր օր էր Պոլսոյ Հրանդ Տինքի անուան վարժարանին կից գործող «Գարուն» մանկապարտէզին համար: Մանկապարտէզի սաները ուսուցիչներ` Մարգարիտ Աւագեանի, Նոնա Յարութիւնեանի եւ Ժաննա Մելքոնեանի անմիջական ղեկավարութեամբ հրաժեշտի հանդէս ներկայացուցին:

Ինչպէս «Հայերն այսօր»-ին կը յայտնէ Նարինէ Սողոմոնեան, բացման խօսքով հանդէս եկաւ դպրոցի փոխտնօրէնուհի Լիլիթ Պօղոսեան, որ շնորհաւորեց ծնողներն ու բարի երթ մաղթեց փոքրիկներուն:

Մանկական երգ ու պարի աշխոյժ տրամադրութիւնը կը թեւածէր դահլիճէն ներս: Ծնողները մեծ յուզումով կը հետեւէին իրենց երեխաներու ելոյթին, որոնք կը  պատրաստուին ոտք դնել գետելիքի անեզր աշխարհ: Ձեռնարկին իրենց մասնակցութիւնն ունեցան պոլսահայ համայնքի ներկայացուցիչներ` տէր Շիրվան քահանան, Նատիա Գէոսէօղլուն, Գարին Թիրզեան, Մարքրիթ Աթմաջան, Ռաքէլ Տինքը, Թալին Սիւզմեն, Աւետիս Հիլքաթը:

Դպրոցի տնօրէնուհի տիկին Հերիքնազ Աւագեան յանձնեց երեխաներու աւարտական վկայականները, իսկ հոգաբարձուներ` Արտօ եւ Դալար Հորոզօղլուներու յանձնած նուէրները մեծ ուրախութիւն պատճառեցին երեխաներուն:

Սեպտեմբերէն այս սաները Հրանդ Տինք դպրոցի պատմութեան մէջ իրենց նոր էջը պիտի բանան:

 

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր