• London

  • Beirut

  • Moscow

  • Los Angeles

  • Paris

  • Sydney

  • Toronto

15. 08. 2022

Գանատացի Երեսփոխաններ Կառավարութեան Կոչ Կ’ուղղեն` Աջակցելու Արցախի Բնակչութեան Ինքնորոշման Իրաւունքի Պաշտպանութեան

04.06.2018   19:42

Գանատայի պահպանողական կուսակցութեան անդամ եւ Գանատա-Հայաստան խորհրդարանական բարեկամութեան խումբի փոխնախագահ Հարըլտ Ալպրեխթ Մայիս 24-ին խորհրդարանի ստորին պալատին մէջ արտասանած իր խօսքին մէջ լուսարձակի տակ առած է Արցախի մէջ տիրող կացութիւնը` իր երկիրի կառավարութեան կոչ ուղղելով ինքնորոշման իրաւունքի պաշտպանութեան հարցին մէջ աջակցելու արցախցիներուն:

«Մենք կը նշենք Հայաստանի կատարած նշանակալի քայլերը, բայց Արցախի մէջ տիրող տագնապին շուրջ մտահոգութիւնները կը շարունակեն այժմէական ըլլալ: Արցախի բնակչութեան 80 առ հարիւրէն աւելին թեր քուէարկած է անկախութեան հանրաքուէին: Ցաւօք, Ազրպէյճան անտեսած է հանրաքուէին արդիւնքները եւ յարձակողական կերպով արձագանգած: Հակամարտութեան իբրեւ հետեւանք արձանագրուած են տասնեակ հազարաւոր զոհեր, հարիւր հազարաւորներ ալ տեղահանուած են»,-«Հորիզոն»-ին համաձայն նշած է գանատացի երեսփոխանը:

Ան մատնացոյց ըրած է Պաքուի կողմէ 2016-ի Ապրիլին, ինչպէս նաեւ ամէն օր կրկնուող զինադադարի խախտումները, որոնց հետեւանքով անմեղ հայ զինուորներ կը զոհուին:

Եզրափակելով խօսքը` գանատացի երեսփոխանը հզօր ուղերձ յղած է Գանատայի կառավարութեան` կոչ ուղղելով` «կանգնելու Արցախի հանրապետութեան ժողովուրդին կողքին իրենց գերիշխանութեան իրաւունքի պահպանման մէջ, ինչպէս նաեւ սերտօրէն համագործակցիլ միջազգային ընտանիքին հետ` տարածաշրջանին մէջ խաղաղութեան հասնելու համար»:

Մայիս 23-ին Արցախեան շարժման 30-ամեակին նուիրուած խօսք արտասանած է նաեւ երեսփոխան Տոն Տէյվիսը: Ան իր գործընկերներուն յիշեցուցած է իրենց ինքնորոշման իրաւունքի համար պայքարող արցախցիներու` 1991-ին կատարած անկախութեան հանրաքուէի մասին եւ մատնանշած Արցախի բնակչութեան` խաղաղութիւն հաստատելու ձգտումը:

Share Button

Leave a Reply

Your email address will not be published. Required fields are marked *

Լրահոս

Լրատուութեան գործընկեր