Euromag–ը Զբօսաշրջիկներուն Խորհուրդ Կու տայ Հայկական Գինի Համտեսելու

Եթէ նախապէս Հայաստանը կը նոյնացուէր միայն քոնեակի հետ, այսօր, սակայն, աշխարհի մէջ իր տեղը ունի նաեւ հայկական գինին: Euromag պարբերականը խորհուրդ կու տայ մայիսեան տօները անցնել հայկական` կարմիր կամ սպիտակ, կամ, հաւանաբար նաեւ վարդագոյն գինիի մէկ գաւաթի շուրջ:
Տարուէ տարի Հայաստանը աւելի մեծ պահանջարկ կը վայելէ ճանապարհորդներու մէջ։ Զբօսաշրջութեան մասնագէտները կ’առաջարկեն մայիսեան տօները անցնել Հայաստանի մէջ, կը յայտնէ armeniasputnik.am-ը:
Հայաստանը ունի անկրկնելի խոհանոց, գեղատեսիլ վայրեր եւ հիանալի գինի, կը գրէ Euromag ամսագիրը: Այս տարի Երեւանի մէջ Մայիս 5-ին եւ 6-ին, առաջին անգամ ըլլալով պիտի իրականացուի «Գինիի օրեր» փառատօնը: Քաղաքի կեդրոնը պիտի վերածուի հսկայական հարթակի մը, ուր պիտի ըլլան համերգներ` յայտնի կատարողներու մասնակցութեամբ, պիտի իրականացուին վարպետութեան դասեր եւ, անշուշտ, հայկական գինիի համտես:
«Առաւել յաճախ Հայաստանի հետ կը նոյնացուի մուգ կանաչ շիշի մէջ լեցուած յայտնի հինգ աստղանի հայկական քոնեակը: Ի դէպ, քիչերը գիտեն, որ Հայաստանը, առաջին հերթին, գինեգործութեան հազարամեայ պատմութիւն ունեցող երկիր է: Այստեղ` Հայաստանի մէջ, Արենիի քարանձաւին մէջ յայտնաբերուած էր աշխարհի հնագոյն գինեգործարաններէն մէկը: Հայաստանը յայտնի է ոչ միայն կարմիր եւ սպիտակ, այլեւ՝ վարդագոյն գինիներով: Այսօր Հայաստանի գինին նշանաւոր է»,- գրած է պարբերականը:
Այս գարնան Երեւանի մէջ պիտի ներկայացուին հայկական գինիի լաւագոյն նմոյշները: Երկու օր քաղաքի կեդրոնը պիտի լեցուի տեղական արտադրանքով եւ երեւանեան լաւագոյն ճաշարաններու ուտեստներու յատուկ առաջարկներով: Փառատօնը կազմակերպած է «Արենի Փառատօն» հիմնադրամը` խոհարարական քննադատ Աննա Մազմանեանի եւ Երեւանի քաղաքապետարանի աջակցութեամբ:
Leave a Reply
Լրահոս
-
29.09.2020
Մեր Յաղթանակը Այլընտրանք Չունի. Յայտարարութիւն
-
16.09.2020
Ռ.Ա.Կ. Լիբանանի Շրջանային Վարչութեան Հանդիպումը Մտաւորական Ընկերներու Հետ
-
11.08.2020
Եւրոպական Խորհուրդի Նախագահ՝ Չարլզ Միշըլի Այցը Հաուըրտ Գարակէօզեան
-
11.08.2020
Հայաստան Հաստատուած Լիբանանահայերուն Ուշադրութեան
-
11.08.2020
Կառավարութիւնը Հրաժարեցաւ. Կը Մնայ Որ Խորհրդարանը Եւս Հրաժարի
-
10.08.2020
Ես Գիտեմ
-
10.08.2020
Հայաստանի Հանրապետութեան Պատուիրակութիւնը Լիբանանի Մէջ. Հանդիպում Վեհափառ
-
10.08.2020
Հայաստանի Հանրապետութեան Պատուիրակութիւնը Լիբանանի Մէջ. Հանդիպում Մամուլի
-
10.08.2020
Սեւրի Դաշնագրին 100րդ Տարեդարձին Առթիւ
-
10.08.2020
ՊԱՏՄՈՒԹԵԱՆ ՄԷՋ ԱՅՍՕՐ. Սեւրի Դաշնագիր

