Աւստրիոյ Խորհրդարանը Առաջարկած է Արգիլել Զէնքի Վաճառքը Թուրքիոյ

Աւստրիոյ խորհրդարանը միաձայն ընդունած է Թուրքիոյ համար զէնքի վաճառքի արգելք սահմանելու մասին բանաձեւը: «Sputnik»-ի թրքական ծառայութեան համաձայն` խորհրդարանի այս որոշման մասին Twitter-ի իր էջին մէջ գրած է «Կանաչներ»-ու կուսակութեան պատգամաւոր Պերիւան Ասլանը:
Բանաձեւը նախապատրաստուած է Աւստրիոյ խորհրդարանին մէջ ներկայացուած բոլոր 6 կուսակցութիւններու համատեղ ջանքերով, կը գրէ ermenihaber.am-ը:
Ռազմամթերքի եւ արտաքին առեւտուրի մասին օրէնքի սահմաններուն մէջ բանաձեւը կը նախատեսէ արգիլել զէնքի ու զինամթերքի վաճառքի թոյլտուութեան տրամադրումը պատերազմող կամ պատերազմի նախաշեմին գտնուող երկիրներուն: Այդ ծիրէն ներս առաջարկուած է արգիլել զէնքի վաճառքը Թուրքիոյ: Կը նշուի, սակայն, որ այս որոշումը պարտադիր իրաւական ուժ չունի:
«Կանաչներ»-ու կուսակցութեան պատգամաւոր Փեթըր Փիլզը ուշադրութիւն հրաւիրած է այն հանգամանքին, որ Աւստրիան նմանատիպ որոշում կայացնող առաջին երկիրն է Եւրոմիութեան մէջ: Պատգամաւորը կոչ ըրած է միւս անդամ երկիրներուն` խնդրի վերաբերեալ համապատասխան որոշումներ ընդունելու:
Իբրեւ բանաձեւի ընդունման հիմնաւորում կը մատնանշուի Թուրքիոյ ահաբեկչութեան դէմ պայքարի անուան տակ լրագրողներու, գրողներու, ակադեմիկոսներու եւ ընդդիմադիրներու դէմ իրականացուող գործողութիւնները, յեղաշրջման փորձէն ետք, հազարաւոր մարդոց աշխատանքէ հեռացնելը եւ ռազմական գործողութիւններու արդիւնքով խաղաղ բնակչութեան զոհերու հանգամանքը:
Leave a Reply
Լրահոս
-
29.09.2020
Մեր Յաղթանակը Այլընտրանք Չունի. Յայտարարութիւն
-
16.09.2020
Ռ.Ա.Կ. Լիբանանի Շրջանային Վարչութեան Հանդիպումը Մտաւորական Ընկերներու Հետ
-
11.08.2020
Եւրոպական Խորհուրդի Նախագահ՝ Չարլզ Միշըլի Այցը Հաուըրտ Գարակէօզեան
-
11.08.2020
Հայաստան Հաստատուած Լիբանանահայերուն Ուշադրութեան
-
11.08.2020
Կառավարութիւնը Հրաժարեցաւ. Կը Մնայ Որ Խորհրդարանը Եւս Հրաժարի
-
10.08.2020
Ես Գիտեմ
-
10.08.2020
Հայաստանի Հանրապետութեան Պատուիրակութիւնը Լիբանանի Մէջ. Հանդիպում Վեհափառ
-
10.08.2020
Հայաստանի Հանրապետութեան Պատուիրակութիւնը Լիբանանի Մէջ. Հանդիպում Մամուլի
-
10.08.2020
Սեւրի Դաշնագրին 100րդ Տարեդարձին Առթիւ
-
10.08.2020
ՊԱՏՄՈՒԹԵԱՆ ՄԷՋ ԱՅՍՕՐ. Սեւրի Դաշնագիր

